Shymkentte psihotroptyq zattardy asa iri kólemde zańsyz ótkizdi degen kúdikpen er adam ustaldy, dep habarlaidy Dala News.
«Onyń ýaqytsha turyp jatqan jerinde júrgizilgen tintý barysynda psihotroptyq zattardyń qosymsha partiialary jáne olardy bólshektep qaptaýǵa arnalǵan quraldar tabyldy. Tárkilengen zattardyń jalpy salmaǵy 250 gramnan asty», – delingen habarlamada.
Politsiia málimetinshe, kúdikti tyiym salynǵan zattardy internet-messendjer arqyly taratyp, tólemdi elektrondy tólem júieleri arqyly qabyldap otyrǵan. Tekserý kezinde satýǵa daiyndalǵan untaq tárizdi zat salynǵan oramdar da tárkilengen.
Kúdikti qamaýǵa alyndy. Sotqa deiingi tergeý amaldary júrgizilýde. Politsiia esirtkini zańsyz ótkizgeni úshin uzaq merzimge bas bostandyǵynan aiyrý jazasy qarastyrylǵanyn eske saldy.
