Ákimi birinshi kezekte «SANTO» dári-dármek zaýytyna baryp, óndiris tsehtaryn aralap shyqty. Munda inektsiialyq eritindiler men infýziialar, qatty peroraldi dárilik zattar (tabletkalar, sashe, túiirshikter), antibiotik untaqtary, sterildi emes eritindiler shyǵarylady.
– 830 qyzmetker táýlik boiy tórt aýysymda jumys isteýde. Ónimniń 70 paiyzy kóterme, 30 paiyzy bólshek baǵada satylýda, – dedi kompaniianyń óndiris jónindegi direktory Svetlana Maiorskaia.
– Tórtinshi kategoriiadaǵy virýsqa qarsy dárilerge suranys joǵarylady. Sondyqtan kompaniialardyń tapsyrysyn 5 esege arttyrdyq. Qazirgi tańda 15 kólik, 5 vagon dári-dármek jolda kele jatyr. Paratsetamoldyń 50-ge tarta analogtik túri dárihanalarda bar. Kórshi aimaqtardan, máselen Taraz, Qyzylorda, Túrkistan oblystarynan suranys kóptep túsýde eken. Eń birinshi Shymkent qalasyn tolyǵymen qamtyp bolǵan soń ǵana, ózge qalalarǵa jiberiletin bolady, – dedi «Zerde-Fito» NPO JShS-nyń direktory.
Mamandardyń aitýynsha, dári taýsylyp qalady degen qorqynyshpen shamadan tys kóp dári alyp, úide saqtai berýdiń qajettiligi joq.
Dári jetkilikti. Árbir dáriniń saqtaý merzimi men sharttary bar. Ony qoldanbasa adam organizmine keri áserin beredi.
Barlyq jaǵdaimen tanys bolǵan Murat Dúisenbekuly dárilerdiń jetkizilýinde eshbir kedergiler oryn almaýyn tapsyrdy.
