Úkimet otyrysynda eldegi epidemiologiialyq ahýal talqylanyp, óńirlerdiń áleýmettik-ekonomikalyq damý kórsetkishteri tarazylandy.
Respýblika oblystary men qalalarynyń ekonomika salasyndaǵy negizgi kórsetkishteriniń damý dinamikasynda Shymkent qalasynyń barlyq kórsetkishterinde ósim dinamikasy bar ekendigi baiandaldy.
Bul jóninde Ulttyq ekonomika ministri Áset Erǵaliev: "Óńirler arasynda eń joǵarǵy kórsetkish Túrkistan jáne Soltústik Qazaqstan oblystarynda, sondai-aq Shymkent jáne Almaty qalalarynda baiqalýda", - dedi.
Onyń ishinde biylǵy jyldyń qańtar-shilde merzimindegi aralyqta byltyrǵy jyldyń tiisti kezeńimen salystyrǵanda Shymkent qalasynyń
- óńdeý ónerkásibindegi kórsetkishi 104,8 paiyzǵa,
- aýylsharýashylyǵy salasy - 103 paiyzǵa,
- qurylys jumystary - 114,6 paiyzǵa,
- paidalanýǵa berilgen úiler kólemi - 107,9 paiyzǵa,
- saýda salasy - 104,2 paiyzǵa,
- kólik salasy - 103 paiyzǵa,
- jeke investitsiia tartý kólemi - 149,5 paiyzǵa artqandyǵy atap ótildi.
"Shymkent qalasynyń ken óndirisimen bailanysty emes salalar boiynsha investitsiialyq belsendiligi 22,8 paiyzǵa jetkendigi aitylyp, qurylys, óńdeý ónerkásibi, onyń ishinde azyq-túlik óndirisi, bailanys jáne aqparat, aýyl sharýashylyǵy, saýda, jyljymaityn múlik operatsiialary, kólik salalarynda oń damý kórsetkishteri qalyptasqan. Bul kórsetkishten qalamyz 3-shi orynǵa turaqtaǵan", – dep habarlady qalalyq ákimdiktiń baspasóz qyzmeti.
Qurylys salasynda Shymkent qalasy úzdik bestiktiń qataryna enip, byltyrǵy jyldyń tiisti kezeńimen salystyrǵanda qurylys kólemi 14,6 paiyzǵa ósken.
"Qalamyzdyń áleýmettik-ekonomikalyq damý kórsetkishterinde qalyptasqan oń dinamika shahar ekonomikasynyń turaqty órkendeýine negiz bolyp, damý josparynda qamtylǵan mindetterdi tabysty iske asyrýǵa kepil bolmaq", – delingen habarlamada.
