Shymkent turǵyny júkti áielderdi "millionmen dekretke" shyǵaramyn dep sotty boldy,- dep habarlaidy Dalanews.kz.
otyrar.kz málimetinshe, 21 júkti áieldiń jórgekpuly men járdemaqysyn qoldan kóbeitip, zańsyzdyqqa barǵan 29 jastaǵy turǵyn sottalǵan. Ol óz áreketimen memlekettiń áleýmettik saqtandyrý qoryna 22 million teńge ziian keltirgen. Sot bul aqshany óteýdi mindettedi.
Shymkent qalasynyń qylmystyq ister jónindegi aýdanaralyq soty 29 jastaǵy áieldi "alaiaqtyq jasady" jáne "qylmystyq jolmen alynǵan aqshany zańdastyrdy" dep tanydy. Sot ony 21 júkti áieldiń áleýmettik jáne zeinetaqy jarnalaryna tiisti tólemderdi jasandy jolmen kóbeitken dep tapty. Ol bul úshin 40 kásipkerdiń elektron tsifrlyq qoltańbalaryn zańsyz paidalanǵan.
Aiyptalýshy sotta kinásin moiyndaǵan. Ol tapqan tabysynyń bir bóligin alǵan páteriniń alǵashqy jarnasyn tóleýge jumsaǵan. Is boiynsha jábirlenýshi retinde tanylǵan "Memlekettik áleýmettik saqtandyý qory" aktsionerlik qoǵamy aiyptalýshyǵa keshirim bergen. Sot sottalýshynyń kinási tolyq dáleldendi deidi.
"Aiyptalýshy Qylmystyq kodekstiń 190-babynyń 4-bóligi 2) tarmaǵynda, 218-babynyń 1-bóliginde kózdelgen qylmystyq quqyqbuzýshylyqtardy jasaǵany úshin kináli dep tanylsyn. Oǵan túpkilikti 5 jyl merzimge bas bostandyǵynan aiyrý jazasy taǵaiyndalsyn", - dep jazylǵan málimette.
Sot onyń kámelet jasqa tolmaǵan balalary baryn eskerip, jazany óteý ýaqytyn 3 jylǵa shegerdi. Dúisenovadan jábirlenýshi tarapqa keltirilgen shyǵyn, iaǵni 22 million teńgege jýyq materialdyq ziian óndiriledi. Sot úkimi zańdy kúshine engen joq.
