Shymkent qalasynyń ákimi órt sóndirýshilerge alǵys hat joldady
"OQO TJD barlyq quramyna jáne Shymkent qalalyq TJ basqarmasynyń jeke quramyna munai bazasyndaǵy rezervýardan shyqqan órtti sóndirýdegi shuǵyl ári naqty áreketteri úshin alǵys bildiremin. Órt sóndirýde jumyla áreket etken jáne shtabty durys uiymdastyrǵan Ońtústik Qazaqstan oblystyq tótenshe jaǵdai departamentiniń bastyǵy, azamattyq qorǵanys isiniń polkovnigi Derbisov Nurbolat Bekbolatuly jáne Shymkent qalalyq tótenshe jaǵdai basqarmasynyń bastyǵy, azamattyq qorǵanys isiniń podpolkovnigi Jaqsybaev Madiiar Esengeldiulynyń jumysyn erekshe atap ótkim keledi. Shymkenttiń barlyq kommýnaldy qyzmetine arnaiy alǵys aitamyn. Tek sizderdiń jumyla áreket etýlerińizdiń nátijesinde ǵana qaiǵyly jaǵdaidyń saldary oryn almady. Sizder órtti kúrdeli jaǵdaida sóndirdińizder - ekpini qatty jelden qyzyl jalyn kez kelgen sátte sol mańdaǵy basqa rezervýarlarǵa ótip ketýi múmkin edi. Sizderge Shymkenttiń barsha turǵyndary atynan alǵys aitamyn", – delingen qala ákimi Ǵ. Ábdirahymov joldaǵan alǵys hatta.
