Shymkentte 250 myń halyqty sapaly elektr jaryǵymen qamtityn "Bozaryq" elektr stantsiiasy iske qosyldy.
Konstitýtsiia kúni aiasynda Shymkent qalasynda 220 kV elektr qýatyn beretin «Bozaryq» qosalqy elektrstantsiiasy iske qosyldy.
Energokeshenniń ashylýyna qala ákimi Murat Áitenov qatysyp, buqaralyq aqparat quraldary ókilderine nysannyń strategiialyq mańyzy jóninde maǵlumat berdi.
Qurylystyń sońǵy satysynda keshenge elektr qýaty berilip, 72 saǵattyq merzimde tehnikalyq synaq jumystary júrgizilip, sátti ótken.
"Bozaryq" qosalqy elektr stantsiiasy negizgi keshen sanalyp, ol qýaty 110/35/10 kV bolatyn 5 qosalqy elektr stantsiialarynyń qosylý kózi bolyp tabylady. Osy keshennen qýat alatyn «Nursát», «Astana-1», «Astana-2» qosalqy stantsiialarynyń qurylystary aiaqtalǵan. «1-M-1» stantsiiasynyń qurylysy jalǵasyp jatsa, «Yntymaq» qosalqy stantsiiasynyń joba-smetalyq qujatyn ázirleýge tapsyrys berilgen.
Keshenniń iske qosylýymen Asar-2, Turan, Yntymaq-2, Soltústik saiajai, Batys, Bozaryq, Qainarbulaq, Shymkentsiti, Dostyq, Nursát shaǵyn aýdandarynda elektr qýatynyń sapasy artady.
"Memleket basshysynyń tapsyrmasy boiynsha salynǵan bul keshen 250 myńnan astam halyqty sapaly elektr energiiasymen qamtityn bolady. Qalamyz iri óndiristik ortalyq retinde qalyptasyp otyr. "Bozaryq" elektr stantsiiasy strategiialyq nysan retinde shahardaǵy elektr qýatynyń jetispeýshiligin sheshedi", - dedi M.Áitenov.
Aita ketý kerek, "Bozaryq" qosalqy elektr stantsiiasy qalanyń qurylysy qarqyn alǵan soltústik bóligin elektr qýatymen qamtamasyz etpek. Munda jańa shaǵyn aýdandar boi kóterip, jańa óndiristik aimaqtyń irgesi qalanǵan.
