QMA Shymkent qalasy boiynsha departamenti «Shymkent jastar teatry» MKQK direktory men ózge de laýazymdy tulǵalarǵa qatysty 136 mln teńgeden astam kólemindegi biýdjet qarajatyn jymqyrý faktisi boiynsha tergeýdi aiaqtady, dep habarlaidy Dalanews.kz.
Memlekettik biýdjetten kontsert ótkizýge arnalǵan jabdyqtardy (sonyń ishinde kolonkalar, sabvýferler, sahnalyq ferma, kúsheitkishter, mikrofondar jáne t.b.) satyp alýǵa 320 mln teńge bólingen.
Alaida satyp alý talaptaryn buza otyryp, lottardy qoldan bólshekteý arqyly 20-dan astam ataý boiynsha satyp alý elektrondy dúken arqyly júrgizilgen.
Elektrondy saýda alańy arqyly jabdyqty naqty jetkizbegen jalǵan jeke kásipkerlermen kelisimsharttar jasalyp, qarajat qolma-qol aqshaǵa ainaldyrylǵan.
Kúdiktilerdiń biri qylmystyq jolmen alynǵan tabysqa jalpy quny 48 mln teńgeni quraityn avtokólik pen páter satyp alyp, múlikti jasyrý maqsatynda olardy senimdi adamdardyń atyna rásimdegen.
Sottyń sanktsiiasymen atalǵan múlikke tyiym salyndy.
Kúdiktiler qamaýǵa alyndy.
