Al 1-oryndy qanjyǵasyna bailaǵan komandaǵa 20 million teńge kóleminde qarjylai syiaqy berildi. Qala ákimi Murat Áitenovtiń bastamasymen júzege asyrylyp, úsh aiǵa sozylǵan saiys sporttyń 4 túrinen ótkizildi. Onyń qatarynda voleibol, basketbol, shahmat jáne fýtbol da bar. Bul kúni «Qajymuqan» ortalyq stadionynda fýtboldan finaldyq oiyn ótti. Birinshi orynǵa №65 mektep komandasy men №90 mektep komandasy talasty. Birinshi taim 1:1 esebi boiynsha aiaqtaldy.
Al oiynnyń ekinshi jartysynda №65 mektep komandasy 3:1 esebimen jeńiske jetip, fýtboldan JASTAR LIGASY - 2022 jyldyń kýbogyn utyp aldy.
“Oiyn óte tartysty ótti. Men №65 mektepti qoldap kelip otyrmyn. Olardyń jeńiske jetetinine senimdi boldym. Sebebi olar keremet oiyn kórsetti. Komandadaǵy oqýshylar biraz ýaqyt daiyndaldy”, – deidi jankúier Aqmerei Aidarqulova.
Jobanyń jabylý rásimine qala ákimi Murat Áitenov arnaiy qatysyp, balalardy jetken jeńisimen quttyqtady.
Shahar basshysy chempion atanǵan komanda óziniń bilim oshaǵyna 20 million teńge kóleminde syilyq syilaý múmkindigine ie bolǵanyn da atap ótti.
“Shymkent jastar ligasy” Memleket basshysynyń tapsyrmasyna sáikes, buqaralyq sportty damytýǵa baǵyttalǵan keshendi baǵdarlamasyn júzege asyrý maqsatynda qalamyzda ekinshi ret uiymdastyrylyp otyr.
Bul joba jastardy patriot, otansúigish, eljandy etip tárbieleýge septigin tigizedi. Sebebi sport densaýlyqtyń ǵana kepili emes, ol adamdy tabandylyqqa baýli otyryp, erik-jigerin shyńdai túsedi.
Búgingi jarysta jeńiske jetken oqýshylar tek sportta ǵana emes, olar óz mektebiniń abyroiy men bedeli úshin atsalysty.
Búgin ózi bilim alatyn altyn uia mektebiniń namysyn qorǵaǵan jas jetkinshekter erteń er jetkende eliniń de namysyn qorǵaityn, Otanyna adal qyzmet etetin azamat bolady dep senemin. Sondyqtan búgingi jeńisterińiz ómir joldaryńyzdyń úlken bastaýy bolsyn!”, – dep tilek bildirdi qala basshysy Murat Áitenov.
...
Joba mektep oqýshylarynyń bos ýaqytyn uiymdastyrý, buqaralyq sportty damytý jáne QR chempionattaryna komanda jasaqtaý maqsatynda uiymdastyrylyp otyr. Jobaǵa degen qyzyǵýshylyq jyldan jylǵa artyp keledi. Ótken jyly atalǵan sporttyq dodaǵa 140 mektep qatysqan bolsa, biylǵy birinshilikke sporttyń tórt túrinen qaladaǵy 151 orta mektepten 6 myńǵa jýyq oqýshy qatysty.
Jalpy, Jastar Ligasynyń júlde qory 80 million teńgeni quraidy. Birinshi oryndy qanjyǵasyna bailaǵan komandalarǵa 20 million teńge kóleminde qarjylai syilyq tabystaldy.
Osy sporttyq saiystarǵa tórelik etýge jáne uiymdastyrý jumystaryn júrgizýge 400-ge jýyq dene shynyqtyrý jáne sport salasynyń mamandary jumyldyrylǵan. Olardyń qatarynda qalalyq bilim basqarmasy basshysynyń orynbasary ári shahmattan jeti dúrkin chempion Gúlishan Nahbaeva da bar.
“Ózim shahmatshy qyz bolǵannan keiin, maǵan sporttyń osy túri boiynsha ótken saiys óte qyzyqty boldy. Bul saiysta birinshi oryndy Ó.Joldasbekov atyndaǵy №9 IT mektep-litseii jeńip alǵan bolatyn. Esterińizde bolsa, olar ótken jyly 1 mekteppen saiysyp, 2-orynǵa ie bolǵan edi. Osy jyly mektep ishinen arnaiy úiirme ashyp, jattyqtyrýshyny da jaldap, daiyndyqty kúsheitken.
Nátijesinde, júldeli birinshi oryndy qanjyǵasyna bailap, mektepke 20 million teńge kóleminde qarjy syilap otyr. Bul oqýshylardyń biliminiń nátijesinde jetken jetistigi dep bilemin”, – deidi qalalyq bilim basqarmasy basshysynyń orynbasary Gúlishan Nahbaeva.
“Biz IT-litsei bolǵandyqtan, bul qarjyǵa mektepke intellektýaldy taqta alyp, materialdyq bazany jaqsartamyz degen nietimiz bar. Degenmen naqty sheshim komissiia otyrysynan keiin belgili bolmaq. Bizdiń mektepte shahmattan sabaq ta, úiirme de bolady. Balalarymyz da erekshe daryndy”, dep shákirtterimen maqtandy №9 IT mektep-litseiiniń direktory Anar Amanqulova.
Tartysty básekede shahmattan júldeli II-oryn Y.Altynsarin atyndaǵy №65 mektep-gimnaziiasyna buiyrdy. Al III-oryndy T.Tájibaev atyndaǵy №47 mektep-gimnaziiasy ielendi.
Basketbol oiyny boiynsha I-oryn - M.H. Dýlati atyndaǵy №8 mektep – gimnaziiasyna buiyrdy. Aita keteiik, atalǵan bilim ordasynyń shákirtteri ótken jyly da “Shymkent jastar ligasynda” basketboldan chempion atanǵan edi.
“Biz kóp daiyndaldyq. Sebebi biyl da jeńiske jetý maqsatymyz boldy. Ótken jyly da basketboldan 1-oryndy ielenip, mektepke 20 million teńge syilaǵan bolatynbyz. Osy jyly da sondai múmkindikke qol jetkizdik. Osylaisha, biz Jastar Ligasynan jalpy 40 million teńgelik utysty qanjyǵaǵa bailap otyrmyz. Jeńisti bermeimiz eshkimge.
Kelesi jyly da basketboldan jeńimpaz atanamyz dep senemin. Bul saiys bizge úlken motivatsiia berdi. Bizdiń komanda sportpen shuǵyldanýdy jalǵastyratyn bolady, dedi M.H. Dýlati atyndaǵy №8 mektep – gimnaziiasy komandasynyń kapitany Ersultan Ahmetbek.
Sporttyq dodada basketboldan júldeli II-oryndy Ál-Farabi atyndaǵy №113 jalpy orta bilim beretin mektebi ielendi.
III-oryn bolsa, Y.Altynsarin atyndaǵy №65 mektep-gimnaziiasyna buiyryp otyr.
Sporttyń voleibol túrinen 129 komanda, 1458 oqýshy qatysyp, nátijesinde:
III-oryn - J.Aimaýytov atyndaǵy №64 mektep-gimnaziiasy;
II-oryn - Ahmet Baitursynov atyndaǵy №50 mektep-gimnaziiasy
I-oryn - Ál-Farabi atyndaǵy №113 jalpy orta bilim beretin mektebiniń oqýshylary jeńiske jetti. Osylaisha, olar 20 million teńgeni óz mektebine syilaýǵa múmkindik aldy.
“Oiyn birshama qiynǵa soqty. Biraq biz sońyna deiin kúrestik. Bizdiń voleibol komandasynda 10 qyz bar. Bári de mektepke jeńis ákelý úshin baryn saldy. Al Ál-Farabi atyndaǵy №113 jalpy orta bilim beretin mektebinde voleiboldan daiyndalýǵa barlyq múmkindik bar. Ótken jyly da osy tartysty dodaǵa qatystyq. Ol kezde ekinshi oryndy ielendik. Al biyl jeńis bizdiń qolda. Óz bilim uiamyzǵa 20 million teńge syilaǵanymyzdy maqtan etip turmyz. Bul máńgi este qalatyn sát dep oilaimyn, – dep qýanyshymen bólisti voleiboldan birinshi oryn alǵan komanda kapitany Diliora Havazmatova.
Degenmen demeýshiler esebinen berilgen qomaqty qarajatty tek bilim ordasynyń materialdyq bazasyn jańartýǵa ǵana jumsaýǵa bolady. Tipti mektepke qarjy túsken soń, ony maqsatty paidalanǵandyǵy da tekserýden ótedi.
“Bul Jastar ligasy el boiynsha alǵash ret Shymkent qalasynda qolǵa alyndy. Qala ákimi Murat Áitenovtiń bastamasymen ekinshi jyl qatar iske asyp otyrǵan respýblikadaǵy jalǵyz joba.
Ótken jyly saiysqa 140 mektep qatyssa, endi biyl 151-den asyp otyr. Sondai-aq júlde qory 80 million teńge bolǵandyqtan osy joly oqýshylar arnaiy daiyndyqpen kelgenin baiqadyq.
Mektepke jattyqtyrýshy alyp, sporttyq dodaǵa tyńǵylyqty jyl doiy daiyndalǵan. Osylaisha, biz alǵa qoiǵan maqsatymyzdy oryndadyq.
Iaǵni oqýshylardyń jappai sportpen ainalysýyna motivatsiia berip otyrmyz. Al demeýshiler esebinen berilgen qarjy qai maqsatta jumsalǵany tekseriledi. Mektep ujymy ózara komissiia quryp, bilim uiasyna ne qajet ekenin aitady. Demeýshiler suranysqa sai 20 millon teńge aiasynda qajetti qural-jabdyqty satyp alyp beredi.
Bul chempionat balalardyń sportpen ainalysýyna sep boldy dep oilaimyn. Aldaǵy ýaqytta Jastar ligasy jobasy jalǵasyn tabady, – dedi qala ákiminiń birinshi orynbasary Shyńǵys Muqan.
Jarystyń negizgi maqsaty mektep oqýshylarynyń bos ýaqytyn tiimdi paidalanyp, balalar men jasóspirimder arasyndaǵy nashaqorlyqtyń aldyn alý jáne olardy salaýatty ómir saltyn ustanýǵa nasihattaý bolyp tabylady. Atalǵan sporttyq doda 2021 jyldyń 23 qazan aiynda bastaý alyp, 1 maýsym kúni máresine jetip otyr.
Sonymen qatar, komandalarǵa qoldaý kórsetýge 151 mektepten Fan – klýb komandalary jasaqtalyp 2265 oqýshy qamtyldy. Dese de, olardyń arasynan úzdikterdi anyqtaý qala kúni aiasynda iske aspaqshy.
“Árbir sportshylardy qoldaý kezinde fan klýb komandasy da qurylǵan. Iaǵni olar jankúier retinde bi bilep sportshylarǵa oiyn kezinde qoldaý kórsetti. Rasynda, bizdiń oqýshylar arasynda qurylǵan árbir komanda ónerimen bizdi tańǵaldyrdy. Olardyń arasynda da jeńiske jetken komandaǵa demeýshiler esebinen velosiped syiǵa tartý josparda bar”, – deidi qalalyq jastar resýrstyq ortalyǵynyń direktory Maǵjan Isahov.
Jastar Ligasynyń saltanatty jabylý rásimi kontserttik baǵdarlamaǵa ulasty. Is-sharaǵa Qairat Túntekov, Zattybek, Áigerim Qalaýbaeva sekildi estrada juldyzdary arnaiy shaqyrtyldy.
Aziza MADIIaRQYZY
Arnaiy «Qala men Dala» gazeti úshin
