Taıaýda «Shymkent» ÁKK» UQ» Aksıonerlik Qoǵamy 2017 jylǵy jarty jylda atqarylǵan jumystardyń nátıjesin shyǵardy. Atap aıtqanda, osy jyldyń 6 aıynda kompanıanyń tabysy 83,1 mln. teńge bolǵan. Aıta ketý kerek, osynaý ońdy nátıje sońǵy úsh jylda alǵash ret tirkelip otyr.
Mundaı jetistikterge jetýde búgingi tańda kompanıa ishinde túbegeıli ózgeristerdiń oryn alýy basty sebepterdiń biri bolýda.
Oblys ákimi Janseıit Túımebaevtyń tapsyrmasyna sáıkes, korporasıa búgingi tańda úsh kezeńdi - reınjınırıng, qaıta qurylymdaý jáne qaıta qurý ózgeristerinen ótýde. Osynaý sharalardyń aıasynda keshendi ońtaılandyrý júıesin iske asyrýdy jalpy talapqa saı uıymdastyrý, basqarýdy jaqsartýdyń damý strategıasyn qurý, qyzmet etýdiń barlyq aspektilerin damytý syndy jumystardy atqarý kózdelgen. Óz kezeginde, bul iske asyrylyp jatqan jáne bolashaqta júzege asyrylatyn jobalardy atqarý úshin qarjy izdeýde jáne aktıvterdi kóbeıtýde ońdy nátıjege qol jetkizýge múmkindik beredi.
Osyǵan baılanysty, kompanıa jer qoınaýyn paıdalaný, aqparattyq tehnologıa, energetıka, qurylys jáne agroónerkásip kesheni salalaryn meılinshe yńǵaıly jaǵdaılarda qarjylandyrýda birlesken ınvestjobalardy qurý men iske asyrýǵa shaqyrady.
Osyndaı jobalardyń qataryna Qazyǵurt aýdanyndaǵy 209 ga aımaqqa ornalasatyn «Intensıvti baqtar» agroparki. «Shymkent» ÁKK» UQ» AQ bastamashy bolyp tabylatyn jobany qolǵa alý 2018 jylǵa josparlanǵan. Jalpy quny 11,8 mln. AQSH dollaryn quraıtyn «Intensıvti baqtar» jobasy tolyq qýattylyqta jumys istegende jylyna 10,4 myń tonna ónim beredi dep kútilýde.
Sonymen birge, ákimshilik-iskerlik ortalyǵynyń mańynan memlekettik baǵdarlama aıasynda 8 qabatty turǵyn úı men «Shymkent Towers» atty bıznes ortalyǵy bar turǵyn úı keshenin salý kózdelýde. Al óńirdegi elektr qýatyna degen tapshylyq aımaqta jalpy quny 44,1 mlrd. teńge bolatyn 17 sýelektrstansıasy salynǵanda túbegeıli sheshilip, stansalar 73,2 MVt elektr qýatyna deıin óndirip turmaq.
«Smart Ontustik» jobasyn júzege asyrý aıasynda da belsendi jumystar atqarylýda. Ony iske asyrý isi úsh kezeńmen júrgizilýde: birinshi kezeń ákimniń ahýaldyq ortalyǵyn qurý (ÁAO) bolsa, ekinshi kezeńde «Smart Ontustik» jobasynyń keńsesi qurylyp, odan soń, transport, bilim, energetıka, turǵyn úı komýnaldy sharýashylyǵy, aýyl sharýashylyǵy jáne halyqtyń qaýipsizdigi salalarynda josparlar iske asyryla bastaıdy.
