Shymkent ákimdigi qala belsendileriniń jerdi satý jəne jalǵa berýge qarsy 30 shildede miting ótkizý týraly ótinishterin taǵy qabyldamai tastady. Bul týraly Azattyqqa belsendi Ibrahim Əlserke habarlady.
Ibrahim Əlserkeniń aitýynsha, 7 shilde kúni birneshe qoǵam belsendisi jer týraly Qazaqstan zańnamalarynyń durys oryndalmaǵanyna qatysty halyq narazylyǵyn jetkizý maqsatynda Abai saiabaǵynyń Dańq memorialy alańynda miting ótkizýge ruqsat surap qalalyq ákimdikke ótinish bergen.
- Əkimdik miting ótkizýge biz suraǵan Dańq memorialynyń ainalasyndaǵy kógaldy 30-31 shilde kúnderi dárileitin bolǵandyqtan ruqsat bermeitinin aityp ótinishimizdi keri qaitardy. Ákimdiktiń bul jaýabyn tekserý úshin 30 shilde kúni alańǵa baramyn. Biz zańdy túrde ruqsat bermegenshe ákimdikke ótinish bildire beremiz, - deidi belsendi.
Shymkent qalasy əkimdigi osyǵan deiin belsendilerge jerdi satý jəne jalǵa berýge qarsylyq retinde eki ret - 21 mamyr jáne 6 shildede miting ótkizýge ruqsat bermegen edi.
