شىمكەنت اكىمدىگى قالا بەلسەندىلەرىنىڭ جەردى ساتۋ جانە جالعا بەرۋگە قارسى 30 شىلدەدە ميتينگ وتكىزۋ تۋرالى وتىنىشتەرىن تاعى قابىلداماي تاستادى. بۇل تۋرالى ازاتتىققا بەلسەندى يبراھيم السەركە حابارلادى.
يبراھيم السەركەنىڭ ايتۋىنشا، 7 شىلدە كۇنى بىرنەشە قوعام بەلسەندىسى جەر تۋرالى قازاقستان زاڭنامالارىنىڭ دۇرىس ورىندالماعانىنا قاتىستى حالىق نارازىلىعىن جەتكىزۋ ماقساتىندا اباي ساياباعىنىڭ داڭق مەموريالى الاڭىندا ميتينگ وتكىزۋگە رۇقسات سۇراپ قالالىق اكىمدىككە ءوتىنىش بەرگەن.
- اكىمدىك ميتينگ وتكىزۋگە ءبىز سۇراعان داڭق مەموريالىنىڭ اينالاسىنداعى كوگالدى 30-31 شىلدە كۇندەرى دارىلەيتىن بولعاندىقتان رۇقسات بەرمەيتىنىن ايتىپ ءوتىنىشىمىزدى كەرى قايتاردى. اكىمدىكتىڭ بۇل جاۋابىن تەكسەرۋ ءۇشىن 30 شىلدە كۇنى الاڭعا بارامىن. ءبىز زاڭدى تۇردە رۇقسات بەرمەگەنشە اكىمدىككە ءوتىنىش بىلدىرە بەرەمىز، - دەيدى بەلسەندى.
شىمكەنت قالاسى اكىمدىگى وسىعان دەيىن بەلسەندىلەرگە جەردى ساتۋ جانە جالعا بەرۋگە قارسىلىق رەتىندە ەكى رەت - 21 مامىر جانە 6 شىلدەدە ميتينگ وتكىزۋگە رۇقسات بەرمەگەن ەدى.
