Shyǵysta investorlarǵa qatysty máseleler oń sheshimin tabýda
Bul jaily Shyǵys Qazaqstan Aimaqtyq kommýnikatsiialar qyzmetinde ótken baspasóz máslihaty barysynda «Kazakh Invest» UK» AQ ShOQ boiynsha ókildiginiń direktory Madina Baisalbaeva málimdedi. 100 kún aralyǵynda kompaniia ókilderi investorlarmen 115 kezdesý ótkizip, 74 shaǵymnyń 22-si sheshimin tapsa, 52 ótinish áli de qarastyrylýda.
– Aimaqtaǵy investorlardan ásirese viza alý jáne qujattardy qarastyrý ýaqytynyń talabyna qatysty suraqtar kelip túsýde. Osy baǵytta investorlarmen jáne jergilikti atqarýshy bilik arasynda bailanys ornata otyryp, máselelerdi qadaǵalaýǵa aldyq, – dedi Madina Baisalbaeva.
Sheteldik investorlarmen qarym-qatynas ornatyp, olardyń quqyǵyn qorǵaý maqsatynda qurylǵan «Kazakh Invest» UK» AQ respýblika kóleminde 90 sheteldik investorlarmen kezdesý ótkizip, 22 memorandýmǵa qol qoiǵan.
