بۇل جايلى شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا «Kazakh Invest» ۇك» اق شوق بويىنشا وكىلدىگىنىڭ ديرەكتورى مادينا بايسالبايەۆا مالىمدەدى. 100 كۇن ارالىعىندا كومپانيا وكىلدەرى ينۆەستورلارمەن 115 كەزدەسۋ وتكىزىپ، 74 شاعىمنىڭ 22ء-سى شەشىمىن تاپسا، 52 ءوتىنىش ءالى دە قاراستىرىلۋدا.
– ايماقتاعى ينۆەستورلاردان اسىرەسە ۆيزا الۋ جانە قۇجاتتاردى قاراستىرۋ ۋاقىتىنىڭ تالابىنا قاتىستى سۇراقتار كەلىپ تۇسۋدە. وسى باعىتتا ينۆەستورلارمەن جانە جەرگىلىكتى اتقارۋشى بيلىك اراسىندا بايلانىس ورناتا وتىرىپ، ماسەلەلەردى قاداعالاۋعا الدىق، – دەدى مادينا بايسالبايەۆا.
شەتەلدىك ينۆەستورلارمەن قارىم-قاتىناس ورناتىپ، ولاردىڭ قۇقىعىن قورعاۋ ماقساتىندا قۇرىلعان «Kazakh Invest» ۇك» اق رەسپۋبليكا كولەمىندە 90 شەتەلدىك ينۆەستورلارمەن كەزدەسۋ وتكىزىپ، 22 مەموراندۋمعا قول قويعان.
