Shyǵysta shańǵy jarysynan el birinshiligi bastaldy
Ridder qalasynda shańǵy jarysynan Qazaqstan Respýblikasynyń Chempionaty bastaldy. Respýblikanyń ár aimaǵynan kelgen 100-den astam sportshy siatlon, aralas estafetadan baq synamaq.
Aita ketsek, bul qysqy oiyndar maýsymynyń sońǵy Chempionaty. Uiymdastyrýshylardyń aitýynsha, Ýniversiada, Aziada jáne Álem birinshiliginde el namysyn qorǵaǵan sportshylar úshin aǵymdaǵy maýsym jemisti boldy.
– Sońǵy ýaqytta uzaq jyldar boiy jaqsy kórsetkishke jete almaǵan aimaqtardan shańǵy jarysynan chempiondar shyǵyp jatyr. Múnyń ózi jas jetkinshekter men jastar arasynda báseke týǵyzady. Osylaisha qysqy sport túri dami túspek, – dedi olimpiadalyq rezervtegi arnaiylandyrylǵan respýblikalyq mektep-intenat-kolledj direktory Vladimir Knaýb.
Sondai-aq, birer kúnnen keiin Ridderde biatlonnan el chempionaty bastalmaq.
