Shyǵysta "Mektep ashanalaryn jańǵyrtý" jobasy nátijeli júrýde
Biylǵy jyly Óskemen qalasynyń 35 mektebinde memlekettik-jeke menshik seriktestik mehanizmi boiynsha «Mektep ashanalaryn jańǵyrtý» jobasy nátijeli júzege asyrylyp, 913 mln.teńge kóleminde investitsiia tartyldy.
Oqý jylynyń basynda Óskemen qalasynyń barlyq mektep ashanalarynda eskirgen mektep ashana bloktary aýystyryldy jáne zamanaýi jóndeý jasaldy.
Óskemen qalasynyń bilim berý bólimi basshysynyń m.a. A. Máýlethanov osy jobanyń júzege asyrylýy týraly aityp, joba biznes pen mektep ákimshiliginiń ózara is-qimylynyń ońtaily jáne tiimdi formatyn qamtamasyz etkenin, mekteptegi tamaqtanýdyń naqty standarttaryn belgileýge jáne osy saladaǵy qoǵamdyq baqylaýdy arttyrýǵa múmkindik bergenin atap ótti.
Komissiia músheleri kelesi jyly Óskemen qalasynyń bilim berý bóliminiń oń tájiribesin basqa qalalar men aýdandarda engizýdi usyndy.
