Aimaq basshysy Danial Ahmetov óz sózinde salynyp jatqan jáne paidalanýǵa berilgen turǵyn úilerdi kóbeitý arqyly páter kezeginde turǵandardyń sany aitarlyqtai azaiǵanyn atap ótti. Tek ótken jyldyń ózinde 1000-nan astam az qamtylǵan jáne kópbalaly analar óz baspanalarynyń kiltterin alǵan. 2021 jyldyń aiaǵyna deiin bul san taǵy 1125-ke artady.
Sandardy sóiletsek – 74 kóppáterli turǵyn úi jáne 204 birqabatty úi paidalanýǵa berildi. Bul 519 myń sharshy metr turǵyn úige nemese 4900 páterge teń.
Osy rette, mańyzdy jobalardyń biri – Semeidegi Qaraǵaily shaǵyn aýdany boldy. Munda eki júzden astam otbasy páter alǵan. Sondai-aq, Óskemende kópbalaly otbasylarǵa arnalǵan turǵyn úiler salynyp jatyr. Aýdandarda az qamtylǵan analar baspanadan bólek, mal ustaýǵa, baý-baqsha ósirýge jáne jerdi maqsatyna sai paidalanýǵa bolatyn jeke ýchaskeler alýda. 2022 jylǵa qarai bul sanattaǵylardyń baspana kezegin tolyqtai joiý josparlanyp otyr.
Kópbalaly otbasylarǵa arnalǵan turǵyn úi qurylysy birneshe qarjylandyrý kózderinen júzege asyrylady. Atap aitqanda, memlekettik turǵyn úi qory, biýdjetten tys qarajat jáne demeýshiler qoldaýy. Qazirgi ýaqytta «Baqytty otbasy» jobasy aiasynda ipotekalyq nesielendirý baǵytynda belsendi jumystar júrgizilýde.
Aita ketý kerek, pandemiiaǵa qaramastan ótken jyly kópbalaly otbasylarǵa berilgen turǵyn úi sany rekordtyq kórsetkishke jetti. Dese de óńir biligi osymen toqtap qalmaq emes. Keshendi baǵdarlama júzege asyrylǵanǵa deiin jyl saiyn 150-ge jýyq otbasy baspanaly bolǵanyn eskersek, qazir bul kórsetkish 10 esege ósip otyr.
Sondyqtan, osy qarqyn ary qarai jalǵassa, eki jyl ishinde óńirde turǵyn úimen qamtamasyz etilmegen kópbalaly otbasy qalmaidy dep senimmen aitýǵa bolady.
Búginde jurtshylyq memleket tarapynan kórsetilip jatqan qoldaýda sezinýde. Sondyqtan kópbalaly otbasylar sany jyl sanap artyp keledi. Bul bilikke, jan-jaqty qoldaý kórsetiletindigine degen senimniń aiqyn kórinisi. Sonymen qatar kópbalaly analar qoǵamdyq komissiia músheleri de bolyp jatyr. Osylaisha, olardyń ózderi qurylys pen abattandyrýǵa qatysty jobalarǵa qatysýda.
