ايماق باسشىسى دانيال احمەتوۆ ٶز سٶزٸندە سالىنىپ جاتقان جەنە پايدالانۋعا بەرٸلگەن تۇرعىن ٷيلەردٸ كٶبەيتۋ ارقىلى پەتەر كەزەگٸندە تۇرعانداردىڭ سانى ايتارلىقتاي ازايعانىن اتاپ ٶتتٸ. تەك ٶتكەن جىلدىڭ ٶزٸندە 1000-نان استام از قامتىلعان جەنە كٶپبالالى انالار ٶز باسپانالارىنىڭ كٸلتتەرٸن العان. 2021 جىلدىڭ اياعىنا دەيٸن بۇل سان تاعى 1125-كە ارتادى.
سانداردى سٶيلەتسەك – 74 كٶپپەتەرلٸ تۇرعىن ٷي جەنە 204 بٸرقاباتتى ٷي پايدالانۋعا بەرٸلدٸ. بۇل 519 مىڭ شارشى مەتر تۇرعىن ٷيگە نەمەسە 4900 پەتەرگە تەڭ.
وسى رەتتە, ماڭىزدى جوبالاردىڭ بٸرٸ – سەمەيدەگٸ قاراعايلى شاعىن اۋدانى بولدى. مۇندا ەكٸ جٷزدەن استام وتباسى پەتەر العان. سونداي-اق, ٶسكەمەندە كٶپبالالى وتباسىلارعا ارنالعان تۇرعىن ٷيلەر سالىنىپ جاتىر. اۋدانداردا از قامتىلعان انالار باسپانادان بٶلەك, مال ۇستاۋعا, باۋ-باقشا ٶسٸرۋگە جەنە جەردٸ ماقساتىنا ساي پايدالانۋعا بولاتىن جەكە ۋچاسكەلەر الۋدا. 2022 جىلعا قاراي بۇل ساناتتاعىلاردىڭ باسپانا كەزەگٸن تولىقتاي جويۋ جوسپارلانىپ وتىر.
كٶپبالالى وتباسىلارعا ارنالعان تۇرعىن ٷي قۇرىلىسى بٸرنەشە قارجىلاندىرۋ كٶزدەرٸنەن جٷزەگە اسىرىلادى. اتاپ ايتقاندا, مەملەكەتتٸك تۇرعىن ٷي قورى, بيۋدجەتتەن تىس قاراجات جەنە دەمەۋشٸلەر قولداۋى. قازٸرگٸ ۋاقىتتا «باقىتتى وتباسى» جوباسى اياسىندا يپوتەكالىق نەسيەلەندٸرۋ باعىتىندا بەلسەندٸ جۇمىستار جٷرگٸزٸلۋدە.
ايتا كەتۋ كەرەك, پاندەميياعا قاراماستان ٶتكەن جىلى كٶپبالالى وتباسىلارعا بەرٸلگەن تۇرعىن ٷي سانى رەكوردتىق كٶرسەتكٸشكە جەتتٸ. دەسە دە ٶڭٸر بيلٸگٸ وسىمەن توقتاپ قالماق ەمەس. كەشەندٸ باعدارلاما جٷزەگە اسىرىلعانعا دەيٸن جىل سايىن 150-گە جۋىق وتباسى باسپانالى بولعانىن ەسكەرسەك, قازٸر بۇل كٶرسەتكٸش 10 ەسەگە ٶسٸپ وتىر.
سوندىقتان, وسى قارقىن ارى قاراي جالعاسسا, ەكٸ جىل ٸشٸندە ٶڭٸردە تۇرعىن ٷيمەن قامتاماسىز ەتٸلمەگەن كٶپبالالى وتباسى قالمايدى دەپ سەنٸممەن ايتۋعا بولادى.
بٷگٸندە جۇرتشىلىق مەملەكەت تاراپىنان كٶرسەتٸلٸپ جاتقان قولداۋدا سەزٸنۋدە. سوندىقتان كٶپبالالى وتباسىلار سانى جىل ساناپ ارتىپ كەلەدٸ. بۇل بيلٸككە, جان-جاقتى قولداۋ كٶرسەتٸلەتٸندٸگٸنە دەگەن سەنٸمنٸڭ ايقىن كٶرٸنٸسٸ. سونىمەن قاتار كٶپبالالى انالار قوعامدىق كوميسسييا مٷشەلەرٸ دە بولىپ جاتىر. وسىلايشا, ولاردىڭ ٶزدەرٸ قۇرىلىس پەن اباتتاندىرۋعا قاتىستى جوبالارعا قاتىسۋدا.
