320 oryndyq balabaqsha Semeidiń Qaraǵaily shaǵyn aýdanynda salynýda. Memlekettik-jekemenshik seriktestik shartyn qabyl alǵan «Firma Aziia» JShS. Nysandy qoldanysqa berý merzimi osy jylǵa belgilenip otyr. Qazirgi tańda mektepke deiingi tárbie oshaǵynyń irgetasy bekip, qabyrǵalary qalanyp qoiylǵan.
Sonymen qatar, kontsessiia sharty boiynsha eki densaýlyq saqtaý nysany salynbaq. Óskemende 300 orynǵa arnalǵan kóp salaly jáne Semeidegi 200 oryndyq balalar aýrýhanalary. Budan bólek, aǵymdaǵy jyly Zyrian qalasynda ortalyq jylý kózin qalpyna keltirý josparlanýda.
– Ótken jyly oblysymyz elimizde birinshi bolyp biýdjetten tys qarjy kózin tartýdy kózdeitin tórt kontsessiialyq kelisimshartqa qol qoidy. Ol boiynsha memleketten jer jáne qajetti infraqurylym beriledi. Tiisti qujattar resimdelgen, endi aimaqta tolyq júzege asýy tiis, – dedi Danial Ahmetov.
Sonymen birge, 2018 jyly Shyǵys Qazaqstan oblysynda kontsessiia sharty aiasynda taǵy 14 jobany iske asyrý josparlanýda.
ShQO ákiminiń baspasóz qyzmeti
https://dalanews.kz/17554
