Búginde Shyǵys Qazaqstan oblysynda D.Serikbaev atyndaǵy SHQMTÝ ǵalymdary daıyndaǵan 7 ǵylymı-tehnıkalyq baǵdarlama júzege asyp jatqany belgili. Ǵalymdar qolǵa alǵan ǵylymı-zertteý jumystary SHQO aýmaǵyndaǵy alpaýyt óndiris oshaqtarynyń jumysyn jetildirip, jańa ónim alýǵa baǵyttalǵan.
Osylaısha Shyǵys Qazaqstandaǵy ǵalymdar men óndirisshiler birlesip, ózindik quny joǵary jáne syrt elderge eksporttaýǵa baǵyttalǵan jańa ónim alý jolynda eńbek etip jatqanynan biraz ýaqyttyń júzi boldy. Esterińizge sala ketemiz, óńir basshysy ústimizdegi jyldyń maýsym aıynda mańyzdy ǵylymı jobalardyń ekonomıkalyq-tehnıkalyq negizdemesin daıyndaýǵa tapsyrma bergen bolatyn. Sodan bergi úsh aı ishinde jumysshy toby naryqqa tereń marketıńtik taldaýlar jasap, mańyzdy qorytyndylarǵa qol jetkizipti. Jumysshy tobynyń qorytyndysymen tanysqannan keıin Shyǵys Qazaqstan oblysy ákimi Danıal Ahmetov:
– Básekelestikten qorqýdyń qajeti joq. Onyń ústine bizde ekonomıkalyq turǵydan jabyq naryq. Eń bastysy, bizder jańa ónim túrin daıyndaǵanda, oǵan qajetti shıkizatty óz jerimizden óz baǵasynda alamyz. Sondyqtan ǵylymı-tehnıkalyq jobalardy iske asyrǵanda qarjylandyrýdan másele bolmaıdy, – dedi.
Búginde shyǵysqazaqstandyq ǵalymdar MRT jabdyqtaryn jasaýǵa qajetti joǵary sapaly symdar, tantal, nıobıa jáne tıtannan ımplantat jasaý, qorǵasyn men myrysh alýdyń matalýrgıalyq údirsin jetildirý isimen aınalysyp jatqanyn aıta ketýimiz kerek.
SHQO ákiminiń baspasóz qyzmeti
