بۇگىندە شىعىس قازاقستان وبلىسىندا د.سەرىكبايەۆ اتىنداعى شقمتۋ عالىمدارى دايىنداعان 7 عىلىمي-تەحنيكالىق باعدارلاما جۇزەگە اسىپ جاتقانى بەلگىلى. عالىمدار قولعا العان عىلىمي-زەرتتەۋ جۇمىستارى شقو اۋماعىنداعى الپاۋىت ءوندىرىس وشاقتارىنىڭ جۇمىسىن جەتىلدىرىپ، جاڭا ءونىم الۋعا باعىتتالعان.
وسىلايشا شىعىس قازاقستانداعى عالىمدار مەن وندىرىسشىلەر بىرلەسىپ، وزىندىك قۇنى جوعارى جانە سىرت ەلدەرگە ەكسپورتتاۋعا باعىتتالعان جاڭا ءونىم الۋ جولىندا ەڭبەك ەتىپ جاتقانىنان ءبىراز ۋاقىتتىڭ ءجۇزى بولدى. ەستەرىڭىزگە سالا كەتەمىز، ءوڭىر باسشىسى ۇستىمىزدەگى جىلدىڭ ماۋسىم ايىندا ماڭىزدى عىلىمي جوبالاردىڭ ەكونوميكالىق-تەحنيكالىق نەگىزدەمەسىن دايىنداۋعا تاپسىرما بەرگەن بولاتىن. سودان بەرگى ءۇش اي ىشىندە جۇمىسشى توبى نارىققا تەرەڭ ماركەتينگتىك تالداۋلار جاساپ، ماڭىزدى قورىتىندىلارعا قول جەتكىزىپتى. جۇمىسشى توبىنىڭ قورىتىندىسىمەن تانىسقاننان كەيىن شىعىس قازاقستان وبلىسى اكىمى دانيال احمەتوۆ:
– باسەكەلەستىكتەن قورقۋدىڭ قاجەتى جوق. ونىڭ ۇستىنە بىزدە ەكونوميكالىق تۇرعىدان جابىق نارىق. ەڭ باستىسى، بىزدەر جاڭا ءونىم ءتۇرىن دايىنداعاندا، وعان قاجەتتى شيكىزاتتى ءوز جەرىمىزدەن ءوز باعاسىندا الامىز. سوندىقتان عىلىمي-تەحنيكالىق جوبالاردى ىسكە اسىرعاندا قارجىلاندىرۋدان ماسەلە بولمايدى، – دەدى.
بۇگىندە شىعىسقازاقستاندىق عالىمدار مرت جابدىقتارىن جاساۋعا قاجەتتى جوعارى ساپالى سىمدار، تانتال، نيوبيا جانە تيتاننان يمپلانتات جاساۋ، قورعاسىن مەن مىرىش الۋدىڭ ماتالۋرگيالىق ءۇدىرسىن جەتىلدىرۋ ىسىمەن اينالىسىپ جاتقانىن ايتا كەتۋىمىز كەرەك.
شقو اكىمىنىڭ باسپا ءسوز قىزمەتى
