Shyǵysta «Aqparattyq tehnologiialar ortalyǵy» quryldy
Memleket basshysy Nursultan Nazarbaev óziniń Qazaqstan halqyna arnaǵan «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýynda elimizdi tsifrlandyrý isine basa mán bergenin eskersek, bul baǵytta qolǵa alynǵan jumystardyń qanshalyqty mańyzdy ekenin túsinýge bolady.
Shyǵys Qazaqstan oblysy ákimdigi óńirdegi taý-ken óndirisi, transport, aýyl sharýashylyǵy, densaýlyq saqtaý men bilim berý jáne memlekettik qyzmet kórsetý salasyn tsifrlandyrýǵa basa kóńil bólip otyrǵanyn bilemiz. Aldaǵy ýaqytta ákimdik janynan qurylǵan ortalyq osy baǵyttaǵy jumystardyń alǵa basyp, damýyna dem beretini anyq.
Aitalyq, 2017-2020 jyldar aralyǵynda Óskemen men Semei qalasyndaǵy jol kólik qozǵalysyn baqylaý, qos qalany jaryqtandyrý júielerin tolyqtan tsifrlyq júiege kóshirilmek. Sonymen qatar Óskemen men Semeidiń turǵyndary taiaý bolashaqta qalalardaǵy bos jerlerdi elektrondy kartadan eshqandai kedergisiz kóre alatyn bolady.
