Shyǵys Qazaqstan oblysy Politsiia departamenti bastyǵynyń orynbasary politsiia polkovnigi Renat Ýnarbekov Kókpekti aýdanynyń Kókpekti aýylyna jumys sapary barysynda politsiia bóliminiń jeke quramymen jumys kezdesýin ótkizdi.
Kezdesý barysynda politsiia polkovnigi Renat Ýnarbekov jeke quramǵa politsiianyń servistik modeliniń negizgi baǵyttary týraly jetkizdi.
Qazirgi ýaqytta oblysta materialdyq-tehnikalyq quraldarmen, onyń ishinde qazirgi zamanǵy tehnikamen jaraqtandyrylǵan 7 modýldik beket paidalanýǵa berildi, bul kelip túsetin signaldarǵa neǵurlym jedel den qoiýǵa jáne quqyq buzýshylyqtardyń ýaqtyly jolyn kesýge múmkindik beredi.
Budan basqa, 5 jyl ishinde óńirde qosymsha taǵy 23 ýchaskelik pýnkt salynady, bul halyq úshin qolaily jaǵdai týǵyzady. Aǵymdaǵy jyly ýchaskelik inspektorlarǵa 20 qyzmettik avtokólik bólindi.
Sonymen qatar, Departament bastyǵynyń orynbasary servistik politsiianyń jumysyn baǵalaý - quqyq buzýshylyqtardy anyqtaý emes, jolyn kesý, kómek kórsetýge daiyn bolý jáne qaýipsizdik máselelerin birlesip sheshý úshin halyqpen senimdi qarym-qatynas ornatý ekenin atap ótti.
Osyǵan bailanysty jeke qurammen zerdelengen jáne qyzmettik qajettilikte paidalanylatyn jadynama ázirlendi.
