Oblys ortalyǵynda Qazaqstan Respýblikasynyń Táýelsizdik kúnine arnalǵan saltanatty jiyn ótti. Sonyń barysynda óńirdiń birqatar turǵyndary memlekettik nagradalarmen jáne Qurmet gramotalarymen marapattaldy, dep habarlaidy Dalanews.kz.
«Shyǵys Qazaqstannyń jetistikteri Memleket basshysy Qasym-Jomart Toqaevtyń bastamasymen qolǵa alynǵan reformalardyń jáne shyǵysqazaqstandyqtardyń kún saiynǵy tynymsyz eńbeginiń nátijesi. Uly Abaidyń «Túbinde baiandy eńbek – egin salǵan» dep aitqany bar. Bul sóz búgingi tańda erekshe mánge ie», – dedi oblys ákimi.
Marapattalǵandardyń qatarynda óńirdiń damýyna óz eńbegimen úles qosyp júrgen ártúrli sala ókilderi bar.
Atap aitqanda, Óskemen qalasy Tótenshe jaǵdailar basqarmasyna qarasty №6 órt sóndirý bóliminiń bólimshe komandiri, azamattyq qorǵaý starshinasy Rinat Jylqyshinov, jeke kásipker Baqytjan Kýdysheva, Serebriansk qalasy men Jańa Buqtyrma kentindegi «Teplovodotsentral» KMK-nyń 3-razriadty kúl shyǵarýshysy Natalia Gohkolenko jáne qoǵam qairatkeri, Katonqaraǵai aýdanynyń qurmetti azamaty, Qazaqstan Jazýshylar odaǵynyń múshesi Sovet Imanǵaliev.
Jiyn sońynda Nurymbet Saqtaǵanov marapat ielerine adal eńbekteri men belsendi azamattyq ustanymdary úshin alǵys bildirip, amandyq pen jańa jetistikter tiledi.
