Shyǵys Qazaqstanda aýyl okrýginiń ákimi memlekettik qyzmettiń bedelin túsirgeni úshin jazalandy, dep habarlaidy Dalanews.kz.
Samar aýyldyq okrýginiń ákimi memlekettik satyp alý týraly zańnamany buza otyryp, basqa áleýetti jetkizýshilerdiń tenderge teń qatysý múmkindiginen aiyryp, bir kózden bir ǵana JShS-men negizsiz eki shart jasasty.
Kelisimsharttardyń jalpy somasy 20 mln teńgeden asty. Bul qarajatqa qatty turmystyq qaldyqtarǵa arnalǵan poligonǵa qorshaý jáne aýdan ortalyǵyna beinebaqylaý júiesin ornatý jumystary satyp alynǵan. Alaida, sońǵy shart boiynsha naqty oryndalmaǵan jumystar úshin ishinara tólem jasalǵan.
Memlekettik satyp alýdy uiymdastyrý jáne ótkizý tártibin buzǵany úshin ShQO aýdan prokýratýrasynyń qaýlysyna sáikes, Samar aýyldyq okrýginiń ákimi ÁQBtK-niń 207-babynyń 11-bóligi boiynsha ákimshilik jaýapkershilikke tartylyp, oǵan 200 AEK mólsherinde (786 400 teńge) aiyppul salyndy.
Sonymen qatar, aýdan prokýratýrasy qaǵidattyq ustanym tanytyp, memlekettik qyzmet isteri jónindegi ýákiletti organnyń Ádep keńesiniń qaraýyna aýyl ákimine tártiptik jaýapkershilik sharasyn qoldaný týraly usynys engizdi. Bul zańdy tulǵaǵa kásipkerlik qyzmetti júzege asyrýda zańsyz artyqshylyq berýi arqyly memlekettik qyzmettiń bedeline nuqsan keltirýine bailanysty boldy.
Memlekettik qyzmet isteri jónindegi ýákiletti organnyń Ádep keńesiniń sheshimi negizinde, memlekettik qyzmettiń bedeline nuqsan keltiretin tártiptik teris qylyq jasaǵany úshin aýyl ákimine qyzmetine tolyq sáikes emestigi týraly eskertildi.
