Shyǵys Qazaqstanda 21 jastaǵy esirtki oraýshy ustaldy

Qarakóz Amantaı 07 maý. 2024 14:54 3309

Shyǵys Qazaqstan oblysynyń polıseıleri sıntetıkalyq esirtki oraýshyny anyqtady, dep habarlaıdy Dalanews.kz.

Óskemende jedel ýákilder ınternet-dúkenniń 21 jastaǵy esirtki oraýshysyn ustady.

"Polısıa qyzmetkerleri tintý barysynda kúdiktiden jalpy salmaǵy 500 gram bolatyn aq tústi untaq tárizdi zat – mefedrondy tárkiledi. Esirtkini asa iri mólsherde ótkizý maqsatynda zańsyz óńdeý, satyp alý, saqtaý, tasymaldaý faktisi boıynsha qylmystyq is qozǵaldy, tergeý júrgizilip jatyr", - dep habarlady PD.

Kúdikti sottyń sanksıasymen qamaýǵa alyndy.

Jyl basynan beri Shyǵys Qazaqstan polıseıleri esirtki zattarynyń zańsyz aınalymyna baılanysty 60-tan astam faktini anyqtaǵanyn aıta ketken jón. Onyń 52-si ótkizý maqsatynda. Zańsyz aınalymnan 46 keliden astam esirtki túrleri tárkilendi.


Usynylǵan
Sońǵy jańalyqtar