شىعىس قازاقستان وبلىسىنىڭ پوليتسەيلەرٸ سينتەتيكالىق ەسٸرتكٸ وراۋشىنى انىقتادى, دەپ حابارلايدى Dalanews.kz.
ٶسكەمەندە جەدەل ۋەكٸلدەر ينتەرنەت-دٷكەننٸڭ 21 جاستاعى ەسٸرتكٸ وراۋشىسىن ۇستادى.
"پوليتسييا قىزمەتكەرلەرٸ تٸنتۋ بارىسىندا كٷدٸكتٸدەن جالپى سالماعى 500 گرامم بولاتىن اق تٷستٸ ۇنتاق تەرٸزدٸ زات – مەفەدروندى تەركٸلەدٸ. ەسٸرتكٸنٸ اسا ٸرٸ مٶلشەردە ٶتكٸزۋ ماقساتىندا زاڭسىز ٶڭدەۋ, ساتىپ الۋ, ساقتاۋ, تاسىمالداۋ فاكتٸسٸ بويىنشا قىلمىستىق ٸس قوزعالدى, تەرگەۋ جٷرگٸزٸلٸپ جاتىر", - دەپ حابارلادى پد.
كٷدٸكتٸ سوتتىڭ سانكتسيياسىمەن قاماۋعا الىندى.
جىل باسىنان بەرٸ شىعىس قازاقستان پوليتسەيلەرٸ ەسٸرتكٸ زاتتارىنىڭ زاڭسىز اينالىمىنا بايلانىستى 60-تان استام فاكتٸنٸ انىقتاعانىن ايتا كەتكەن جٶن. ونىڭ 52-سٸ ٶتكٸزۋ ماقساتىندا. زاڭسىز اينالىمنان 46 كەلٸدەن استام ەسٸرتكٸ تٷرلەرٸ تەركٸلەندٸ.
