Shyǵys Qazaqstanda 148 kósheniń ataýy ózgerýi múmkin
«Onomastika salasy elimizde ulttyq til saiasatynyń jetekshi baǵyttarynyń biri retinde úlken mańyzǵa ie. Táýelsizdik alǵan kezeńnen bastap 2020 jylǵa deiin Shyǵys Qazaqstan oblysynda 141 ákimshilik-aýmaqtyq birliktiń, 791 kósheniń, 64 mekteptiń ataýy ózgertildi. Kóshe ataýlarynyń 56%-y 2017-2019 jyldary aýystyrylǵan» - deidi ShQO Tilderdi damytý basqarmasynyń basshysy Roza Tólemisova.
Onyń aitýynsha, qazirde óńirde ataýy ideologiialyq turǵyda eskirgen 29 ákimshilik-aýmaqtyq birlik, 3 mektep jáne 148 kóshe bar.
«24 Lenin atyndaǵy, 10 Kirov atyndaǵy, 35 Sovetskaia, 14 Oktiabrskaia, 11 Komsomolskaia atty kóshelerdiń ataýy aýystyrylýy kerek. Osy maqsatta aldaǵy ýaqytta tiisti sharalar atqarylady», - deidi Roza Áshimhanqyzy.
