Shyǵys Qazaqstan oblysynyń ákimi Ermek Kósherbaev «Halyqpen birge!» barlyq deńgeidegi ákimderiniń óńirlik forýmyna qatysty, – dep habarlaidy Dalanews.kz ShQO ákiminiń baspasóz qyzmetine silteme jasap.
Shara barysynda «Aýyl amanaty» jáne «Jer amanaty» partiialyq jobalaryn júzege asyrýǵa qatysty máseleler talqylandy. Jinalǵandar aýyldarǵa qatysty máselelerdi aityp, atqarylǵan jumystardy qorytyndylap, aldaǵy josparlardy belgiledi.
Óńir basshysy Ermek Kósherbaev mundai forýmdardy ótkizúdiń basty máselesi – halyqtyń ómir súrý sapasyn arttyrý ekenin atap ótti.
– Ákimder bergen qarjyny igerip otyratyn kisi emes, isker bolýy tiis. Qazir bizde qalai? Aqsha bólinedi, ony igeredi, artynan maqtanyp esep beredi. Halyqpen tyǵyz bailanys ornatyp, máselelerin sheshý kerek. Aýyldarda shaǵyn bolsa da, óndirister ashýǵa kómek kórsetińder. Bul naǵyz isker ákim ekendikterindi kórsetedi. Memleket basshysy bizdiń aldymyzda halyqtyń ál-aýqatyn jaqsartý boiynsha úlken mindetter qoidy jáne biz olardy oryndaýymyz kerek, – dedi oblys ákimi.
Forýmǵa AMANAT partiiasynyń hatshysy Erjan Jylqybaev, barlyq deńgeidegi ákimder, oblystyq máslihattyń tóraǵasy men depýtattary, basqarmalardyń basshylary, sondai-aq BAQ ókilderi qatysty.
Forýmnyń ekinshi bóligi seminar-treningpen jalǵasty. Onda ákimder zańnamadaǵy, onyń ishinde memlekettik satyp alý salasyndaǵy ózgerister týraly jan-jaqty aqparat aldy.
