Naqtylap aitqanda 10 adamnan turatyn medbrigadan bólek, Qytaidan jetken gýmanitarlyq kómektiń tasymalyna «Shevron» kompaniiasy qarjylai ári tehnikalyq qoldaý kórsetti.
Budan buryn Qytai basshysy Si Tszinpinmen telefon arqyly tildesken Qazaqstan prezidenti Qasym-Jomart Toqaev atalǵan medbrigadany elimizge jiberý týraly sóz bailasqan.
Densaýlyq saqtaý ministrligi Qoǵamdyq densaýlyq departmenti direktory Maǵripa Embergenovanyń pikirinshe Qytai dárigerleri Shyńjańda koronavirýske qarsy kúresip, ábden shyńdalǵan.
Osynaý delegetsiiamen birge Qytaidan Qazaqstanǵa 5,5 tonna gýmanitarlyq kómek, onyń ishinde dári-dármek, med.maska jáne med.tehnika qosa jetti.
Osy sapardy uiymdastyrýshylardyń biri Kolýmbiia ýniversiteti janyndaǵy ICAP ortalyǵynyń Orta Aziia boiynsha direktory Anna Deriabinanyń aitýynsha Qytai dárigerleriniń Qazaqstanǵa kelýi "Shevron" kompaniiasynyń qarjylai qoldaýy arqasynda júzege asqan.
«Biyl bizdiń ortalyq «Shevron» kompaniiasynan grant aldy. Jobanyń basty maqsaty – Densaýlyq saqtaý ministrligimen birlese otyra, ázir virýske qarsy kúresip jatqan qazaqstandyq dárigerler men med.ortalyqtardyń áleýetin arttyrý edi.
Minekei, koronavirýske qarsy kúreste mol tájiribesi bar Qytai mamandaryn Qazaqstanǵa shaqyrý – osynaý joba aiasynda ótkizilgen alǵashqy shara boldy», – deidi ol.
ISAR ortalyǵy meditsina salasynda innovatsiialyq jobalar ázirlep, ony qoldanysqa engizýmen ainalysady. 2011 jyldan beri ISAR Qazaqstan Densaýlyq saqtaý ministrligimen VICh-infektsiia jobalarynyń nátijesin arttyrý boiynsha birlesip jumys júrgizýde.
Al elimizge taban tiregen qytai dárigerleri koronavirýspen kúreste bilgenin bólisýge ázir otyr. Olar Qazaqstanda 15 kún bolady.
«Qytaidan arnaiy kelgen medbrigada Shyńjańda koronavirýske qarsy kúresip, shyńdalǵan dárigerler. Olardyń arasynda ázirgi kúni aýadai qajet pýlmonologtar, epidemiologtar, infektsionister, nevrologtar jáne basqa da joǵary sanatty mamandar bar.
15 kún ishinde olar Nur-Sultan, Almaty jáne Qaraǵandy qalalaryndaǵy aýrýhanalarǵa baryp, ondaǵy qaýipsizdik sharasymen tanysady ári dárigerlerge arnap onlain dáris ótkizedi», – deidi Anna Deriabina.
Budan bólek Qytaidan jetken arnaiy brigada koronavirýstyń dárigerler arasynda taralýyna tosqaýyl bolatyn ádis-amaldarmen bólispek.
«Virýs Qytaida 3 myńnan asa dárigerge juqty. Onyń 90 paiyzy Ýhannan anyqtaldy. Keiinnen dárigerler arasynda túsindirý jumysyn júrgizip, olardyń naýqaspan bailanys ornatýǵa qatysty saýatyn arttyryp, qajetti kerek-jaraqpen qamtamasyz ettik.
Sonyń nátijesinde virýs juqtyrǵan dárigerler sanyn azaittyq», – deidi osy delegatsiia quramyndaǵy juqpaly aýrýlar dárigeri Lý Siaobo.
Qazaqstanda koronavirýs juqtyrǵan dárigerler sany 120, olardyń 67-i virýs juqtyrǵan azamattarǵa tikelei kómek kórsetken.
Budan buryn Densaýlyq saqtaý ministri Eljan Birtanov koronavirýs juqtyrǵan qazaqstandyqtardyń 80 paiyzy aýrýdy jeńil ótkerýde ekenin aitqan. Alaida indettiń sharyqtaý shegine áli jetpegenimizdi eske salǵan-tyn. Birtanov aldaǵy 2 apta el úshin óte aýyr bolatynyn eskertken.
El prezidenti Qasym-Jomart Toqaevtyń buiryǵymen Qazaqstandaǵy tótenshe jaǵdai 30 sáýirge deiin sozyldy. Memleket basshysy sonymen qatar Nur-Sultan, Almaty jána Shymkent qalasyndaǵy karantindi aidyń aiaǵyna deiin uzartý týraly sheshim qabyldady.
Dál qazir Qazaqstanda koronavirýs juqtyrǵan adam sany 800-den asty, olardyń ishinde 17 adam aýyr halde jatyr.
«Qytaidan kelgen medbrigada eldiń osy indetten tezirek arylýyna atsalysady. Olardyń virýsty anyqtaýdaǵy shapshańdyǵy, em-dom tásilderi jáne infektsiianyń taralýyn baqylaý joldary nátijesin beredi dep seneiik. Osy iske barynsha qoldaý kórsetken «Shevron» kompaniiasyna alǵysymdy bildiremin", - deidi Anna Deriabina.
Aita ketelik budan buryn «Shevron» kompaniianyń qarjylai qoldaýymen Almaty qalasyndaǵy klinikalyq infektsiialyq balalar aýrýhanasyna jalpy quny 71,8 mln teńgeni quraityn jańa eki jasandy tynys alý apparattary tabystalǵan.
