Ońtústik Qazaqstan oblysynda 2017 jylǵa sheteldik jumys kúshin jumysqa tartýǵa 4983 birlik kvota bólingen. Kvota negizinde 88 kásiporyn men uıymda 3307 shetel azamattaryna ruqsat berildi. Búgin bul týraly OQO óńirlik komýnıkasıalar qyzmetinde ótken brıfıńte oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Muhıt Otarshıev málim etti.

Budan bólek, basqarma basshysynyń málimdeýinshe, 2017 jyly Pavlodar, Qostanaı, Soltústik Qazaqstan oblystary ákimdikterimen memorandýmdar túzilip, oblystan 686 múshesi bar 163 otbasy qonys aýdarǵan.

– Bizdiń óńirden qonys aýdarǵan azamattar jermen, turaqty jumyspen jáne turǵyn úımen qamtamasyz etildi. Al «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyn» iske asyrýǵa respýblıkalyq búdjetten 11429,8 mln. teńge bólinip, 64314 adam qamtylatyny kózdeldi. Sondaı-aq, 2017 jyly 1500 adamdy kásipkerlik negizderge oqytýǵa, 813 adamdy shaǵyn nesıeleýge qatystyrý josparlanyp, jalpy 2313 adamdy qamtýǵa 5823,4 mln.teńge qarjy qaraldy, – dedi Muhıt Otarshıev.



Aıta keteıik, «Órleý» jobasy aıasynda búginge deıin jalpy somasy 6 mlrd-tan astam teńge bolatyn shartty aqshalaı kómekti 20 myńnan astam ońtústikqazaqstandyq alǵan. Aǵymdaǵy jyldyń  Oblysta «Órleý» pılottyq jobasyn iske asyrý nátıjesinde, shartty aqshalaı kómek alýshylardyń tabysy 4,2 esege artyp, orta eseppen aıyna 1 adamǵa 23 myń teńgege jetip otyr.

OQO ákimdigi baspasóz qyzmeti