Májilis depýtaty Edil Jańbyrshin geosaiasattaǵy dominant memleketter óziniń jeke múddesi men saiasi yqpalyn júrgizip qana qoimai, ony iske asyrý úshin ár túrli ádis-tásilderdi paidalanyp kele jatqanyn aitty, – dep habarlaidy Dalanews.kz.
Jańbyrshin mysal retinde memleketterdiń ulttyq qundylyqtaryn joiýǵa baǵyttalǵan ásirefeministik, LGBT, emo jáne basqa da sýbmádeniettik qozǵalystar arnaiy, josparly túrde milliondaǵan AQSh dollarymen qarjylandyrylatynyn málimdedi.
"Olar ultarazdyq pen dini alaýyzdyqty, separatizm men traibalizmdi bizdiń saiasi kún tártibimizge engizýge kúsh saldy. Muny Prezident Quryltaida «halyqaralyq úkimettik emes qorlar men uiymdar kóptegen eldiń ishki isine negizsiz aralasty» – dep qadap aitty.
Degenmen sońǵy kezde AQSh-tyń biligi óz ishki jáne syrtqy saiasatyn qaita qarap jatyr. Tipti AQSh-tyń Kongresinde Halyqaralyq damý agenttiginiń, iaǵni USAID-tiń jumysy toqtatylatyny týraly másele qaralyp jatyr", - dedi ol.
Depýtat keiingi on jyldyqta Qazaqstannyń ishki saiasatyna yqpal etý úshin USAID-ten 150 mln. dollardan asa qarajat bólingenin keltirdi.
"Osyndai uiymdar demokratiialyq qaǵidattardy jeleý etip, jalań uranmen «jumsaq kúsh» arqyly óziniń jymysqy saiasatyn iske asyrý úshin ózge memleketterge qansha qarajat bólgenin elestetip kórińiz. Mysaly, Qiyr Shyǵystaǵy, Ortalyq Aziiadaǵy, Afrikadaǵy, Eýropadaǵy birqatar damýshy elderde bilikke qarsy tóńkerister uiymdastyrylǵany belgili.
Bizde sheteldik grant «emizigine» otyryp alǵan keibir, taǵy da aitam keibir úkimettik emes uiymdar kóbine, túimedeidi túiedei qylyp, negativti terip-jinap, kýratorlaryna ótirik esep berip, «oibai bul elde adam quqyǵy taptalǵan», «sóz bostandyǵy shektelgen», «sizder aralaspasańyzdar qurdymǵa ketýdiń aldynda turmyz» dep baibalam salady. Tipti bizdegi jaǵdaidy damymai qalǵan úshinshi memlekettermen negizsiz, dálel-dáieksiz teńestiredi", - dedi Jańbyrshin.
Májilis depýtatynyń aitýynsha, olarǵa Qazaqstannyń jaqsarǵany emes, shaiqalǵany paidaly, sebebi ózderiniń jeke basynyń paidasyna, iaǵni «gýmanitarlyq biznesterine» qarjy kerek.
Jańbyrshin AQSh, Qytai, Resei siiaqty alpaýyt memleketter ishki saiasattaryna ózgelerdiń aralasýyna jol bermeitin zańdar qabyldaǵanyn aityp, bizdiń Úkimet te tez arada iske kóshýi kerek ekenin jetkizdi.
"Bir máseleniń basyn ashyp alaiyq. Syrttan keletin qarjy, eger taza bolyp, investitsiia retinde ekonomikany damytýǵa quiylatyn bolsa, ekologiia men densaýlyq saqtaý salasyn jaqsartatyn bolsa, onda oǵan jol ashyq. Al eger ishki saiasatymyzǵa qarsy, ulttyq dúnietanymymyzǵa jat, turaqtylyǵymyzdy shaiqaityn jobalardy qarjylandyrsa, onda ondai uiymdarǵa jol jabyq", - dedi ol.
