Syrtqy ister ministrligi shetelde júrgen azamattarǵa pasport rásimdeý qyzmetine qatysty erejelerge ózgeris engizýdi usyndy. Jobaǵa sáikes qujat daiyndaý merzimi qazirgi 90 jumys kúninen 40 jumys kúnine deiin qysqarmaq, dep habarlaidy Dalanews.kz.
Sonymen qatar, túzetýler qoldanystaǵy zańnamaǵa sáikestendirilip, eskirgen normalar men siltemeler alyp tastalady.
Qujat 2029 jylǵa deiingi Ulttyq damý jospary men 2024-2028 jyldarǵa arnalǵan qoǵamdyq qaýipsizdikti qamtamasyz etý tujyrymdamasy aiasynda ázirlengen.
Ázirge joba "Ashyq NQA" portalynda jariialanyp, talqylaýǵa usynyldy.
