Sherzat Polattyń qazasyna qatysty is boiynsha sottalǵan segiz azamat úkimge apelliatsiialyq shaǵym túsirdi. Bul týraly jábirlenýshi taraptyń advokaty Meiirman Shekeev málim etti, dep habarlaidy Dalanews.kz.
Advokattyń aitýynsha, atalǵan shaǵym 2025 jyldyń 18 tamyzy kúni saǵat 11:00-de Almaty oblystyq sotynda qaralady.
“Sottalǵan 8 adam apelliatsiialyq shaǵym túsirdi. Endi olardyń isi oblystyq deńgeide qaita qaralady”, — dedi Meiirman Shekeev.
Biyl 5 maýsymda Talǵar aýdandyq sotynda kisi qolynan qaza tapqan jasóspirim Sherzat Polattyń ólimine qatysty úkim shyqqan bolatyn. Sot protsesin sýdia Erjan Januzaqov júrgizdi.
Sot úkimimen:
- Abzal Shynasyl – 23 jylǵa,
- Ravil Sakiev – 20 jylǵa,
- Azamat Toqtaýbaev – 15 jylǵa,
- Nurqiias Iliiasov – 9 jylǵa (buǵan deiingi 2,5 jyl shekteý jazasyn eskere otyryp),
- Shyńǵys Belǵojaev, Darhan Áskentai, Nurbol Toqtaýbaev, Didar Qaliahmet – árqaisysy 7 jylǵa sottaldy,
Al Dýman Ysqaq QR Qylmystyq kodeksiniń 434-baby (aýyr qylmys jasalǵanyn habarlamaý) boiynsha 1,5 jylǵa bas bostandyǵynan aiyryldy. Onyń izoliatordaǵy bir kúni eki kún retinde esepteletin boldy.
