Sherzat isi boiynsha sot protsesinde "birtúrli" dialog tikelei efirde estilip qalǵan bolatyn. Daýly dialog sotta qaraldy, – dep habarlaidy Dalanews.kz.
Áleýmettik jelilerde taǵy da sot otyrysyna bailanysty aýdiojazba taralýyna bailanysty sot jekeshe qaýly shyǵarý úshin keńesý bólmesine shyqty.
"21 mamyrdaǵy osy is boiynsha basty sot talqylaýynyń úzilisi kezinde aitylǵan sózderdiń aýdiojazbasy dep áleýmettik jelilerde taralǵan derek boiynsha Almaty oblysynyń prokýrory nazary aýdarsyn. ...Prokýrorǵa jazbanyń shynaiylyǵyn, dialog kimder arasynda órbigenin, áńgimeniń mazmunyn anyqtap, tiisti sharalar qoldaný tapsyryldy. Konstitýtsiiaǵa sáikes is boiynsha sheshimdi tek sot qabyldai alatynyn eske salamyn", - dedi sýdia.
Aita keteiik, buǵan deiin sot protsesinde úzilis jariialanyp, adamdar ornynan tura bastaǵan kezde myna áńgime jazylyp qalǵany habarlandy:
"Kózimnen jas shyǵyp kete jazdady ǵoi, durys sóiledim be ei, a?", - deidi birinshi adam.
"Saǵan kóp suraq qoimaidy, ýaiymdama. Sóilesip qoiǵanmyn", - deidi ekinshisi.
