شەرزات ءىسى بويىنشا سوت پروسەسىندە "ءبىرتۇرلى" ديالوگ تىكەلەي ەفيردە ەستىلىپ قالعان بولاتىن. داۋلى ديالوگ سوتتا قارالدى، – دەپ حابارلايدى Dalanews.kz.
الەۋمەتتىك جەلىلەردە تاعى دا سوت وتىرىسىنا بايلانىستى اۋديوجازبا تارالۋىنا بايلانىستى سوت جەكەشە قاۋلى شىعارۋ ءۇشىن كەڭەسۋ بولمەسىنە شىقتى.
"21 مامىرداعى وسى ءىس بويىنشا باستى سوت تالقىلاۋىنىڭ ءۇزىلىسى كەزىندە ايتىلعان سوزدەردىڭ اۋديوجازباسى دەپ الەۋمەتتىك جەلىلەردە تارالعان دەرەك بويىنشا الماتى وبلىسىنىڭ پروكۋرورى نازارى اۋدارسىن. ...پروكۋرورعا جازبانىڭ شىنايىلىعىن، ديالوگ كىمدەر اراسىندا وربىگەنىن، اڭگىمەنىڭ مازمۇنىن انىقتاپ، ءتيىستى شارالار قولدانۋ تاپسىرىلدى. كونستيتۋسياعا سايكەس ءىس بويىنشا شەشىمدى تەك سوت قابىلداي الاتىنىن ەسكە سالامىن"، - دەدى سۋديا.
ايتا كەتەيىك، بۇعان دەيىن سوت پروسەسىندە ءۇزىلىس جاريالانىپ، ادامدار ورنىنان تۇرا باستاعان كەزدە مىنا اڭگىمە جازىلىپ قالعانى حابارلاندى:
"كوزىمنەن جاس شىعىپ كەتە جازدادى عوي، دۇرىس سويلەدىم بە ەي، ا؟"، - دەيدى ءبىرىنشى ادام.
"ساعان كوپ سۇراق قويمايدى، ۋايىمداما. سويلەسىپ قويعانمىن"، - دەيدى ەكىنشىسى.
