Prokýratýra organdarynyń ardageri Hatisha Jumaǵulova Sherzat isine qatysty pikir bildirdi, dep habarlaidy Dalanews.kz.
Sarapshy Tengrinews.kz-ke bergen suhbatynda basty aiyptalýshyǵa nelikten 23 jyl suralǵanyn aitty. Prokýror basty kúdikti Abzal Shynasylǵa 23 jyl surady. Sarapshy aiyptaýshylardyń ustanymyna sáikes dál osy Abzal Shynasyl Sherzatqa pyshaq jaraqatyn salǵanyn málimdedi.
"Bul derek negizsiz emes: ol sot-meditsinalyq saraptama nátijelerine, jábirlenýshilerdiń aiǵaqtaryna, sondai-aq, eń bastysy aiyptalýshynyń sotqa deiin bergen óz moiyndaýlaryna súienip jasalǵan. Iaǵni biz kezdeisoqtyq týraly emes, jasóspirimniń ólimine ákep soqqan sanaly áreket týraly aityp otyrmyz. Sonymen qatar, kisi óltirýden bólek, Shynasylǵa qarý-jaraqpen jasalǵan buzaqylyqqa qatysý, sondai-aq, ekinshi jábirlenýshi, iaǵni Sherzattyń aǵasy Ǵaiypbaevty óltirýge oqtaldy degen aiyp taǵyldy".
Hatisha Jumaǵulova Abzal Shynasylǵa birden qylmystyń úsh sanaty boiynsha aiyp taǵylǵanyn aitty.
"Qylmystyq kodekske sáikes birneshe qylmys quramy bolǵan jaǵdaida sot olardyń árqaisy úshin jazany ishinara qosýǵa quqyly. Bul jaǵdaida osyndai tásil qoldanylady. Prokýror 23 jylǵa bas bostandyǵynan aiyrýdy surady. Jazany anyqtaý kezinde jasalǵan is-áreket qana emes, aiyptalýshynyń jeke basy, onyń minez-qulqy, mas kúide qylmys jasaǵany, sotta ókinbegeni eskeriledi. Osy faktorlardyń jiyntyǵyna súiene otyryp, prokýror dál osyndai merzimdi surady. Meniń oiymsha, zańdy ári ádil", - dedi sarapshy.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
