پروكۋراتۋرا ورگاندارىنىڭ ارداگەرٸ حاتيشا جۇماعۇلوۆا شەرزات ٸسٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
ساراپشى Tengrinews.kz-كە بەرگەن سۇحباتىندا باستى ايىپتالۋشىعا نەلٸكتەن 23 جىل سۇرالعانىن ايتتى. پروكۋرور باستى كٷدٸكتٸ ابزال شىناسىلعا 23 جىل سۇرادى. ساراپشى ايىپتاۋشىلاردىڭ ۇستانىمىنا سەيكەس دەل وسى ابزال شىناسىل شەرزاتقا پىشاق جاراقاتىن سالعانىن مەلٸمدەدٸ.
"بۇل دەرەك نەگٸزسٸز ەمەس: ول سوت-مەديتسينالىق ساراپتاما نەتيجەلەرٸنە, جەبٸرلەنۋشٸلەردٸڭ ايعاقتارىنا, سونداي-اق, ەڭ باستىسى ايىپتالۋشىنىڭ سوتقا دەيٸن بەرگەن ٶز مويىنداۋلارىنا سٷيەنٸپ جاسالعان. ياعني بٸز كەزدەيسوقتىق تۋرالى ەمەس, جاسٶسپٸرٸمنٸڭ ٶلٸمٸنە ەكەپ سوققان سانالى ەرەكەت تۋرالى ايتىپ وتىرمىز. سونىمەن قاتار, كٸسٸ ٶلتٸرۋدەن بٶلەك, شىناسىلعا قارۋ-جاراقپەن جاسالعان بۇزاقىلىققا قاتىسۋ, سونداي-اق, ەكٸنشٸ جەبٸرلەنۋشٸ, ياعني شەرزاتتىڭ اعاسى عايىپباەۆتى ٶلتٸرۋگە وقتالدى دەگەن ايىپ تاعىلدى".
حاتيشا جۇماعۇلوۆا ابزال شىناسىلعا بٸردەن قىلمىستىڭ ٷش ساناتى بويىنشا ايىپ تاعىلعانىن ايتتى.
"قىلمىستىق كودەكسكە سەيكەس بٸرنەشە قىلمىس قۇرامى بولعان جاعدايدا سوت ولاردىڭ ەرقايسى ٷشٸن جازانى ٸشٸنارا قوسۋعا قۇقىلى. بۇل جاعدايدا وسىنداي تەسٸل قولدانىلادى. پروكۋرور 23 جىلعا باس بوستاندىعىنان ايىرۋدى سۇرادى. جازانى انىقتاۋ كەزٸندە جاسالعان ٸس-ەرەكەت قانا ەمەس, ايىپتالۋشىنىڭ جەكە باسى, ونىڭ مٸنەز-قۇلقى, ماس كٷيدە قىلمىس جاساعانى, سوتتا ٶكٸنبەگەنٸ ەسكەرٸلەدٸ. وسى فاكتورلاردىڭ جيىنتىعىنا سٷيەنە وتىرىپ, پروكۋرور دەل وسىنداي مەرزٸمدٸ سۇرادى. مەنٸڭ ويىمشا, زاڭدى ەرٸ ەدٸل", - دەدٸ ساراپشى.
شەرزات بولاتتىڭ ٶلٸمٸ تۋرالى نە بەلگٸلٸ?
ەسكە سالايىق, بىلتىر تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم شەرزات بولات كٶز جۇمدى.
كەمەلەتكە تولماعان بالانى ٶلتٸرۋ دەرەگٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى. سونداي-اق, ولاردىڭ ٷيٸ ٶرتەنٸپ كەتتٸ.
كٶپ ۇزاماي, ياعني 9 جەلتوقساندا مارقۇم شەرزات بولاتتىڭ اعاسى نۇرعانات عايىپباەۆ اجال قۇشتى. پوليتسييا دەپارتامەنتٸ الدىن الا دەرەكتەر بويىنشا ول سۋيتسيد جاساعانىن مەلٸمدەدٸ. وعان دەلەل رەتٸندە پوليتسەيلەر نۇرعاناتتىڭ تۋىسىنا مەسسەندجەر ارقىلى جازعان حاتىن جارييا ەتتٸ.
ال مارقۇم شەرزاتتىڭ ەكەسٸ باۋىرى نۇرعانات عايىپباەۆتى جەر قوينىنا تاپسىرعانان كەيٸن بۇقارالىق اقپارات قۇرالدارىمەن كەزدەسۋدٸ تالاپ ەتٸپ, كٶشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليتسييا قىزمەتكەرلەرٸ ۇستاپ ەكەتتٸ. ارتىنشا شەرزات بولاتتىڭ ەپكەسٸ قاماۋعا الىندى. كەيٸن قارجاۋباي نۇرىموۆ 15 تەۋلٸككە ەكٸمشٸلٸك قاماۋعا الىندى.
