18 tamyzda Sherzat isi boiynsha apelliatsiialyq shaǵym qarala bastady. Barlyq segiz sottalýshy ótinish berdi, dep habarlaidy Dalanews.kz.
Búgin apelliatsiialyq alqa sheshim shyǵardy.
Taraptardy tyńdaǵannan keiin apelliatsiialyq alqa birinshi satydaǵy úkimdi ózgerissiz qaldyrý týraly sheshim shyǵardy.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵannan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
Jýyrda osy is boiynsha sot sheshimi shyqty. Tergeý málimetinshe, Sherzatqa pyshaq jaraqatyn salǵan basty aiyptalýshy Abzal Shynasyl 23 jylǵa bas bostandyǵynan aiyryldy. Ravil Sakiev 20 jylǵa sottaldy.
Qalǵan aiyptalýshylar 7 jyldan 15 jylǵa deiin bas bostandyǵynan aiyryldy. Kámeletke tolmaǵan Y.D. 1,5 jylǵa bas bostandyǵynan aiyryldy.
