Talǵarda jappai tóbeles kezinde qaza tapqan Sherzat Bolattyń ákesiniń úiin órteý isi boiynsha tergeý ýaqytsha toqtatyldy, dep habarlaidy Dalanews.kz.
“Qarjaýbai Nurymovtyń úiinde bolǵan órt faktisi boiynsha qylmystyq isti tergeý merzimderi Qylmystyq-protsestik kodekstiń 45-baby 7-bóliginiń 5-tarmaǵyna sáikes (quqyqtyq kómek kórsetý jónindegi is júrgizý áreketterin oryndaýǵa bailanysty) ýaqytsha toqtatyldy”, – delingen Almaty oblysy prokýratýrasy taratqan habarlamada.
Eske salaiyq, byltyr 4 qazan kúni tóbelesten 16 jastaǵy Sherzat Polat qaza boldy.
2024 jyldyń 12 qazanynda qara jamylǵan otbasynyń úii órtenip ketti. Almaty oblysynyń Politsiia departamenti bótenniń múlkin qasaqana joiý faktisi boiynsha is qozǵady.
2024 jyldyń jeltoqsan aiynda Talǵar mańynda Sherzat Polattyń aǵasy óli tabyldy.
Sherzat ólimine qatysty 9 adam 23 jyldan 1,5 jylǵa deiin sottaldy.
Sottalǵan Dýman Ysqaq jazasyn óteýine bailanysty bostandyqqa shyqty. Al is boiynsha apelliatsiialyq sot 18 tamyz kúni saǵat 11:00–de oblystyq sot ǵimaratynda ótedi.
Aita keteiik, buǵan deiin Almaty oblysynyń prokýratýrasy Nurqanat Ǵaiypbaevtyń ólimine qatysty tergeý nelikten toqtaǵanyn túsindirgen edi.
Oblystyq prokýratýra jaýabyna sáikes, Almaty oblysy politsiia departamentiniń tergeý basqarmasy N.Ǵaiypbaevtyń ólimi boiynsha QR Qylmystyq kodeksiniń 105-baptyń 1-bóligimen (ózin-ózi óltirýge deiin jetkizý) tirkelgen qylmystyq is aiasyndaǵy sotqa deiingi tergep-tekserýdi aiaqtaǵan.
"Sotqa deiingi tergep-tekserý barysynda oqiǵanyń barlyq mán-jailaryn jan-jaqty, tolyq jáne obektivti anyqtaý úshin qajetti tergeý áreketteri júrgizildi. Jinalǵan dálelder, saraptama qorytyndylary jáne ózge de materialdar negizinde N.Ǵaiypbaevtyń ólimi ózine-ózi qol salý (sýitsid) saldarynan bolǵany anyqtaldy. Úshinshi tulǵalardyń yqpalymen ózine-ózi qol salýǵa itermeleý faktileri anyqtalǵan joq. Sol sebepti, tergeý organymen osy jyldyń 17 maýsymynda sotqa deiingi tergep-tekserý QPK-niń talaptaryna sáikes toqtatyldy", - delingen prokýratýra jaýabynda.
