Sherzat Bolattyń ólimi boiynsha sot otyrysyna birneshe kýáger keldi, dep habarlaidy Dalanews.kz.
Alǵash bolyp kýáger Beknur Asqarbek kelip, suraqtarǵa jaýap berdi. Ol Qarjaýbaiǵa syra úshin aqsha jibergen adam.
Kýáger Beknur sottalýshylardyń ishinen tek Darhan men Dýmandy ǵana tanitynyn aitty.
"Darhan – meniń jezdemniń kórshisi. Al Dýmanmen bir mektepte oqyǵanbyz. Aramyzda eshqandai janjal ne renish bolmaǵan. Jábirlenýshilermen tanystyǵym joq. 3 qazan kúni keshke jezdem habarlasyp, "Darhan senimen bailanysady, myń teńge salyp jibershi" dedi. Artynsha Darhan ózi habarlasyp, nómir jiberdi, men sol nómirge aqsha aýdardym. Aqshany apam Svetlananyń atymen jiberdim. Ol qarajattyń ne úshin kerek ekenin aitqan joq. Sol kúni dúkende ne bolǵanyn bilmedim, tek keiinnen estidim. Aqsha aýdarǵan kezde nómirde "Jumabike" degen esim shyqty", - dedi kýáger.
Sonymen qatar, taǵy bir kýáger Erkebulan Toqtarbai sottalýshy Darhan Áskentaidyń synyptasy bolyp shyqty. Sondai-aq sottalýshylar Toqtaýbaev Nurbol men Azamat — Erkebulannyń joldas balasynyń inileri ekeni anyqtaldy.
"Darhanmen bir aýylda turamyz, anda-sanda kezdesip turatynbyz. Oqiǵa bolǵan kúni keshkisin synyptasymyz Aidynnyń úiine jinalýǵa ýaǵdalasqan edik. Sol kúni saǵat segizder shamasynda Darhan da keldi. Biraz ýaqyttan soń ol ketip qalyp, on minýttan keiin qaita oraldy. Qolynda syra boldy. Keiin Darhan men Aidyn azdap ishimdik ishti. Saǵat on jarymdarda kóligimdi jóndep bitirip, úilerimizge qaitýǵa jinaldyq. Jol boiyndaǵy Mendeleev kóshesindegi dúkenniń qasynda Darhandy túsirip kettim. Ol maǵan tek dúken jaqqa aparyp tastaýdy surady, óitkeni úii sol mańaida bolatyn. Kólikte otyrǵan kezde bireýmen sóilesip, "myń teńge jibershi" dep jatqanyn estidim", dedi Erkebulan Toqtarbai.
Ol dúkenniń mańynda bolǵan oqiǵany keiinirek áleýmettik jeliden estigenin jetkizdi.
Sotta oqiǵaǵa qatysty taǵy bir kýáger — sottalýshynyń synyptasy, Talǵar aýdandyq politsiia basqarmasynyń patrýldik politsiia qyzmetkeri Jánibek Ámiraqyn da jaýap berdi.
"Jedel kezekshiden Mendeleev kóshesinde tóbeles bolyp jatqany týraly habarlama tústi. Oqiǵa ornyna barǵanymyzda, burylysta adamdar tobymen sóilestim. Sol jerde jerde qandy kórdim. Kýágerler bir balanyń pyshaqtalǵanyn, ony ákesi emhanaǵa aparǵanyn aitty. Barlyǵyn kezekshi bólimge baiandadym. Keiin kúdikti kólikterdi anyqtap, taǵy da kezekshige habarlastyq. Sol kezde bir jigit kózimizge tústi, áriptesim ekeýimiz ony ustadyq. Ol ózin Áskentai Darhan dep tanystyryp, "Mendeleev kóshesinde boldym, tóbeleske qatystym" dedi. Alǵashynda Darhandy tanymai qaldym, óitkeni onyń kózi isip ketken edi ári qarańǵy bolatyn. Onyń ústine odan ishimdiktiń iisi shyǵyp turdy", - dedi Jánibek Ámiraqyn.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
