Sherzat Bolat isi boiynsha kúdiktilerge qandai aiyp taǵylatyny jaqynda belgili bolady. Bul týraly Ishki ister ministrligi málimdedi, - dep habarlaidy Dalanews.kz.
Májilis kýlýarynda Ishki ister ministriniń orynbasary Sanjar Ádilov Sherzat Bolat isi boiynsha tergeýdiń aiaqtalýǵa jaqyn ekenin habarlady.
"Tergeý aiaqtalýǵa jaqyn. Jyl sońyna deiin barlyq saraptamalar daiyn bolyp, tergeý áreketterin tolyq aiaqtaimyz", – dedi Sanjar Ádilov.
Onyń aitýynsha, qylmystyq is boiynsha 11 tulǵa qamaýda otyr, olardyń barlyǵy jaýapkershilikke tartylady.
Prokýrormen kelisilgen soń túpkilikti aiyp taǵylyp, qylmystyq is materialdary qylmystyq protsess qatysýshylaryna tanystyrylady.
Buǵan deiin Almaty oblysynyń prokýratýrasy turǵyndarǵa zańsyz mitingterdi uiymdastyrý men olarǵa qatysýdyń saldary týraly eskertý jasaǵan úndeýin jariialady.
Vedomstvo beibit jinalystardy, mitingterdi jáne piketterdi uiymdastyrý men ótkizý tártibi Qazaqstan Respýblikasynyń "Beibit jinalystardy uiymdastyrý jáne ótkizý tártibi týraly" zańymen qatań retteletinin eske saldy.
"Turǵyndardy jaýapkershilik tanytyp, zańsyz mitingterge qatysýǵa shaqyrǵan úndeýlerge ermeýge shaqyramyz. Mundai is-sharalardy uiymdastyrý jáne olarǵa qatysý - zańdy óreskel buzý jáne bul aýyr zardaptarǵa ákeledi. Bul áreketter úshin ákimshilik jaýapkershilik (Ákimshilik quqyq buzýshylyq týraly kodekstiń 488-baby) jáne qylmystyq jaýapkershilik (Qazaqstan Respýblikasy Qylmystyq kodeksiniń 400-baby) qarastyrylǵan. Zańsyz aktsiialarǵa qatysý ákimshilik qamaýǵa alý, iri aiyppul salý jáne qylmystyq qýdalaýǵa ákelýi múmkin ekenin eske salamyz", - delingen Almaty oblysy prokýratýrasynyń úndeýinde.
Vedomstvo úndeýi 10 jeltoqsanda Azat aýylynda bolǵan oqiǵadan keiin jariialandy. Onda Talǵarda qaza tapqan Sherzat Bolattyń jerleý rásimi ótti. Politsiianyń aldyn ala málimeti boiynsha, ol óz-ózine qol jumsaǵan. Jerleýden keiin politsiia Sherzattyń ákesi Qarjaýbai Nurymovty ustady. Politsiia málimetinshe, ol agressiv túrde áreket etip, ainalasyndaǵylarǵa qaýip tóndirip, óz-ózine qol jumsaý týraly aityp, politsiia qyzmetkerine pyshaqpen shabýyl jasaǵan.
