Sherzat Polattyń ákesi Qarjaýbai Nurymovtyń advokaty Meiirman Shekeev óz kóligine qatysty kúmándi jaǵdai boiynsha qylmystyq is qozǵalǵanyn habarlady. Aitýynsha, bul — qosymsha qylmystyq is, dep habarlaidy Dalanews.kz.
Bul týraly advokat áleýmettik jelidegi paraqshasynda jariia etti.
Daýly oqiǵa 29 sáýir kúni tirkelgen. Sol kúni advokat óziniń kóligine otyryp, dóńgelekteriniń eki bolty joq ekenin baiqaidy. Jaǵdaidy ol sot otyrysynan shyqqan soń áleýmettik jeli arqyly jurtqa jetkizgen edi.
Advokattyń aitýynsha, bul oqiǵa jai ǵana tehnikalyq aqaý emes, ádeii jasalǵan áreket bolýy múmkin. Búgin ol Taldyqorǵan qalasyndaǵy Jetisý oblystyq politsiia basqarmasynda atalǵan derekke bailanysty qylmystyq is qozǵalǵanyn málimdedi.
– Esterińizde bolsa, kóligimniń dóńgelekterinen buranda sheshilgeni týraly aryzdanǵan edik. Búgin soǵan qatysty jáne meniń mobilografymdy qorqytý áreketine bailanysty qylmystyq is tirkeldi. Endi eshkim jazasyz qalmaidy dep senemiz, – dedi Shekeev.
Bul málimdeme qoǵamda rezonans týdyrǵan Sherzat Polat isiniń ainalasynda qaýipsizdikke qatysty jańa kúdikterdi týdyryp otyr.
