Talǵar aýdanynda jasóspirim Sherzat Bolattyń ólimine qatysty is boiynsha sot úkimi ózgerissiz qaldy, dep habarlaidy Dala News.
Kassatsiialyq sot Azamat Toqtaýbaev pen Didar Qaliahmetke qatysty buryn shyǵarylǵan úkimdi kúshinde qaldyrǵan.
Sot málimetinshe, 2024 jyldyń qazan aiynda olar basqa tulǵalarmen birge toptyq tóbeleske qatysqan. Janjal barysynda aiyptalýshylar jábirlenýshilerge kúsh qoldanǵany aityldy.
Is materialdaryna sáikes, olardyń biri pyshaqpen qorqytyp, tas laqtyrǵan. Sonyń saldarynan jábirlenýshilerdiń biri esinen tanyp qalǵan. Keiin osy jaǵdaidy paidalanyp, onyń uialy telefony urlanǵany kórsetilgen.
Kassatsiialyq shaǵymda sottalǵandar óz kinásin joqqa shyǵarǵan. Alaida sot bul ýájderdi negizsiz dep tanyp, olardyń top quramynda áreket etkenin jáne tóbeleske belsendi qatysqanyn atap ótti.
Nátijesinde sot aktileri ózgerissiz qaldyryldy.
Úkimge sáikes, Azamat Toqtaýbaev buzaqylyq jáne urlyq úshin 15 jylǵa bas bostandyǵynan aiyrylǵan. Al Didar Qaliahmet buzaqylyq úshin 7 jylǵa sottalǵan.
