Jýrnalist Oralhan Dáýit jas qaqpashy Sherhan Qalmyrzanyń shyǵý tegine qatysty qyzyq derek bólisti, dep habarlaidy Dalanews.kz.
Onyń aitýynsha, sportshy Jambyl oblysy, Jýaly aýdanynda dúniege kelgen. Bul óńir – qazaqtyń asa kórnekti jazýshysy Sherhan Murtazanyń týǵan jeri.
"Sherhan degen esimniń bul balaǵa beker qoiylmaǵany anyq. Jýaly – Sheraǵanyń týǵan jeri ǵoi", – deidi Oralhan Dáýit.
Jýrnalistiń sózinshe, Sherhan Qalmyrzanyń ákesi de kezinde sportta biik belesterdi baǵyndyrǵan.
"Ákesi Eldar jastaiynan bokspen ainalysqan, jasóspirimder arasynda álem chempiony atanǵan. Ony jýalylyqtar jaqsy tanidy", – dep atap ótti ol.
Sonymen qatar Oralhan Dáýittiń aitýynsha, búginde Eldar Astanada turady. Alaida Sherhannyń áke-sheshesi eki bólek ketken kórinedi.
"Alla taǵalam jas Sherhanǵa baq-bereke bersin. Baby da, baǵy da kelisken sportshy bolsyn. Qazaqtyń týyn kókte jelbirete bersin", – dep tilegin qosty jýrnalist.
Eske salaiyq, buǵan deiin jelide "Qairat" qaqpashysy Sherhan Qalmyrzanyń anasy Sáýle Rabaeva týraly derek taraǵan edi.
Ol media salasynda eńbek etip, «Túngi stýdiia», «Balapan» sekildi jobalardyń prodiýseri retinde tanylǵan.
Biraq Rabaevanyń eń úlken "jobasy" – eki uly. Sherhannyń boiyndaǵy qaisarlyq ta anasynyń myqty minezinen nár alǵandai.
Aita keteiik, 30 qyrkúiekte Almatyda ótken "Qairat" pen "Real" arasyndaǵy tarihi matchta 18 jastaǵy Sherhan Qalmyrza álem nazaryna ilindi. Eýropalyq fýtbol qaýymdastyqtary odaǵy (ÝEFA) "Qairat" qaqpashysy Sherhan Qalmurzanyń seivin Chempiondar ligasynyń oiyn kúnindegi úzdikterdiń biri dep atady.
ÝEFA baspasóz qyzmeti jazba jariialap, onda jankúierlerden qai seivtiń úzdik bolǵanyn tańdaýdy surady.
Úzdik bestiktiń qataryna almatylyq komandanyń 18 jastaǵy qaqpashysynyń oiyny endi. Ol tarihi "Sportingke" qarsy matchtyń nebári besinshi minýtynda komandany qaýipti soqqydan qutqaryp qaldy.
