Túrkistan oblysy alqaptardaǵy shegirtkelerdi dron arqyly óltirip jatyr, dep habarlaidy Dalanews.kz.
Derekkózge súiensek, oblys alqaptarynda marokko shegirtkelerine qarsy óńdeý sharalary qabyldanyp jatyr. Tazalanǵan 252 myń gektar jerdiń 1,4 myń gektaryna arnaiy drondar qoldanylǵan. Tehnika bir saǵatta 18 gektar jerdi qamti alady, aýadaǵy jumys ýaqyty 15-17 minýt.
“Premer-Ministrdiń orynbasary Serik Jumanǵarin shegirtkemen kúresý boiynsha dári-dármek jetkizý men saqtaýdan bastap, óńdeýge deiingi barlyq qyzmet túrlerin kórsetetin merdigerlermen sóilesti. Jumys barysymen tanysyp, tiisti tapsyrmalar berdi”, - dep habarlaidy úkimettiń baspasóz qyzmeti.
Bul tásil Túrkistan oblysynda pilottyq joba túrinde synaqtan ótýde. Kelesi jyly respýblika boiynsha shegirtkege qarsy kúres qyzmetterin satyp alýdy ortalyqtandyrylǵan biryńǵai júiege kóshirý josparlanǵan.
