شەنەۋنىكتەر تۇركىستانداعى شەگىرتكەلەردى جاڭا تاسىلمەن ءولتىرىپ جاتىر

قاراكوز امانتاي 21 مام. 2024 10:08 1584

تۇركىستان وبلىسى القاپتارداعى شەگىرتكەلەردى درون ارقىلى ءولتىرىپ جاتىر، دەپ حابارلايدى Dalanews.kz.

دەرەككوزگە سۇيەنسەك، وبلىس القاپتارىندا ماروككو شەگىرتكەلەرىنە قارسى وڭدەۋ شارالارى قابىلدانىپ جاتىر. تازالانعان 252 مىڭ گەكتار جەردىڭ 1،4 مىڭ گەكتارىنا ارنايى دروندار قولدانىلعان. تەحنيكا ءبىر ساعاتتا 18 گەكتار جەردى قامتي الادى، اۋاداعى جۇمىس ۋاقىتى 15-17 مينۋت.

“پرەمەر-مينيستردىڭ ورىنباسارى سەرىك جۇمانعارين شەگىرتكەمەن كۇرەسۋ بويىنشا دارى-دارمەك جەتكىزۋ مەن ساقتاۋدان باستاپ، وڭدەۋگە دەيىنگى بارلىق قىزمەت تۇرلەرىن كورسەتەتىن مەردىگەرلەرمەن سويلەستى. جۇمىس بارىسىمەن تانىسىپ، ءتيىستى تاپسىرمالار بەردى”، - دەپ حابارلايدى ۇكىمەتتىڭ باسپا ءسوز قىزمەتى.

 بۇل ءتاسىل تۇركىستان وبلىسىندا پيلوتتىق جوبا تۇرىندە سىناقتان وتۋدە. كەلەسى جىلى رەسپۋبليكا بويىنشا شەگىرتكەگە قارسى كۇرەس قىزمەتتەرىن ساتىپ الۋدى ورتالىقتاندىرىلعان ءبىرىڭعاي جۇيەگە كوشىرۋ جوسپارلانعان.


ۇسىنىلعان
سوڭعى جاڭالىقتار