Sheneýnikter qyzmettik kólikti qalai paidalanady?
Internet-konferentsiiada agenttik basshysyna memlekettik qyzmetshilerdiń qyzmet kóligin túski úziliste jáne basqa da jumystan tys ýaqytta paidalaný qanshalyqty zańǵa sai ekendigi týraly suraq berildi.
– Tańerteń sheneýnikti jumysyna jetkizip salý úshin shamamen 08:30-da úiinen shyǵady, shamamen 08:45-te bastyqty alady da, jumysyna jetkizip salady. Tús kezinde 13:00-de bastyǵyn alyp, úiine nemese qoǵamdyq tamaqtaný ornyna aparady. 14:45-te alyp, jumysyna qaita aparady. 19:00-de (keide odan da kesh) bastyqty úiine jetkizip salý kerek. Iaǵni, júrgizýshi kúnine orta eseppen 4 ret bastyǵyn jumystan tys ýaqytta bastyǵyn alyp júredi. Osyǵan ne deisiz? – dep surady Rýslan Atashev.
Alik Shpekbaev qyzmettik kólikti paidalaný tártibin árbir memlekettik organ ózi belgileitinin aitty. «QR Qarjy ministriniń 2015 jylǵy 17 naýryzdaǵy buiryǵyna sáikes, qyzmettik jáne kezekshi avtomobilder ortalyq atqarýshy organnyń jaýapty hatshysynyń nemese memlekettik mekemeniń basshysynyń bekitilgen buiryǵynda belgilengen tártipte paidalanylady», – dedi ol.
