Memlekettik qyzmetkerler, depýtattar, sýdialar jáne ulttyq kompaniia basshylary qandai kiristerin jariialaýǵa mindetti ekeni belgili boldy, dep habarlaidy Dalanews.kz.
QR Sybailas jemqorlyqqa qarsy is-qimyl agenttiginiń tóraǵasy 2025 jylǵy 7 aqpandaǵy buiryǵyna sáikes jariialanýǵa jatatyn málimetterdiń tizimin bekitti. Bul málimetter olardyń kiristeri men múlki týraly deklaratsiiasynda kórsetiledi.
2025 jylǵy 1 qańtardan bastap “Sybailas jemqorlyqqa qarsy is-qimyl týraly” zańnyń 11-babynyń 9-tarmaǵy kúshine endi. Oǵan sáikes, 2025 jyldan bastap:
- saiasi memlekettik qyzmetkerler;
- “A” korpýsyndaǵy ákimshilik memlekettik qyzmetkerler;
- Parlament depýtattary;
- Adam quqyqtary jónindegi ýákil;
- sýdialar;
- kvazimemlekettik sektor sýbektilerinde basqarýshylyq qyzmet atqaratyn tulǵalar;
- olardyń jubailary ózderiniń kiristeri men múlki týraly deklaratsiialaryn 2025 jylǵy 31 jeltoqsanǵa deiin jáne odan keiin jyl saiyn jariialap otyrýǵa mindetti.
Jariialanýy tiis málimetterdiń naqty tizimin bekitý úshin Antikor arnaiy qaýly qabyldady.
Jariialanýy tiis málimetter tizimi:
- Deklaratsiia tapsyrǵan tulǵanyń tegi, aty, ákesiniń aty (bar bolǵan jaǵdaida);
- Deklaratsiia usynylǵan esepti salyq kezeńi;
- Jeke tabys salyǵyna jatatyn kirister týraly aqparat (jalpy somasy);
- Esepti salyq kezeńinde satyp alynǵan nemese óteýsiz alynǵan múlik (aqsha qarajatyn qosa alǵanda) týraly málimetter, onyń ishinde QR aýmaǵynan tys jerlerde:
•múliktiń túri;
•tirkelgen eli (el kody);
•múliktiń quny (baǵasy).
5. Esepti salyq kezeńinde satylǵan nemese óteýsiz berilgen múlik týraly málimetter, onyń ishinde QR sheginen tys:
•múliktiń túri;
•tirkelgen eli (el kody);
•satylǵandaǵy quny (baǵasy).
6. QR aýmaǵynan tys ornalasqan sheteldik bankterdegi esepshottardaǵy aqsha qarajaty týraly aqparat:
•soma (valiýtasy kórsetilýi kerek);
•bank ataýy jáne onyń ornalasqan eli.
7. Esepti salyq kezeńiniń 31 jeltoqsanyna sáikes jeke tulǵanyń menshigindegi múlik týraly aqparat (túri, sany, tirkelgen eli):
•memlekettik nemese basqa da tirkeýge jatatyn múlik;
•sheteldik zańnamaǵa sáikes tirkeýdi qajet etetin múlik nemese mámileler;
•Qazaqstannan tys jerde tirkelgen baǵaly qaǵazdar, tsifrlyq aktivter;
•investitsiialyq altyn;
•Qazaqstannan tys jerde tirkelgen zańdy tulǵalardyń jarǵylyq kapitalyndaǵy úles.
Bul buiryq 2025 jylǵy 21 aqpannan bastap kúshine enedi.
