Oljas Bektenov Prezident tapsyrmalaryn júzege asyrý jónindegi Tsifrlyq shtab otyrysyn ótkizdi, dep habarlaidy Dalanews.kz.
Qazaqstan Respýblikasynyń Premer-ministri Oljas Bektenov Memleket basshysynyń jasandy intellektini damytý máseleleri jónindegi keńeste bergen tapsyrmalaryn júzege asyrý boiynsha Tsifrlyq shtab otyrysyn ótkizdi.
Kún tártibinde tórt másele qaraldy. Jiynda Qazaqstan Respýblikasynyń tsifrlyq damý, innovatsiialar jáne aeroǵarysh ónerkásibi ministri Jaslan Mádiev baiandama jasady.
Tsifrlyq shtabtyń sheshimimen:
- memlekettik organdardyń aqparattyq júielerin integratsiialaýdyń keshendi jospary bekitildi;
- jasandy intellekt derekter massivterimen jumys isteý reglamenti jáne ony júzege asyrý jospary bekitildi;
- Smart Data Ukimet boiynsha memlekettik derekterdi biriktirý boiynsha jumystardy aiaqtaý merzimderi anyqtaldy. Jańa heshteý ádisin qoldanatyn integratsiia biylǵy 1 qyrkúieginde aiaqtalýy kerek, al barlyq derekter osy jyldyń 1 jeltoqsanyna deiin platformaǵa berilýi kerek;
- osy jyldyń 15 qyrkúiegine deiin memlekettik organdar qyzmetkerleriniń AITU ulttyq messendjerine kóshýi.
Premer-ministr qabyldanǵan qujattardy sapaly ári ýaqtyly iske asyrýdyń mańyzdylyǵyn atap ótti.
"Memleket basshysy Qazaqstan Eýraziiadaǵy tsifrlyq habqa ainalýy tiis degen maqsatty alǵa qoiyp otyr. Naqty mindetter belgilendi. Búgingi tańda Tsifrlyq shtab barlyq memlekettik organ men uiymdar úshin mindetti sheshimder qabyldady. Nátije aqparattyq qaýipsizdikti jaqsartýǵa jáne memlekettik apparattyń tiimdiligin arttyrýǵa baǵyttalǵan", - dedi Oljas Bektenov.
Jiynda AITU ulttyq messendjerin keń aýqymda engizý máselesi qaraldy. Onyń pilottyq jumysy Tsifrlyq damý, innovatsiialar jáne aeroǵarysh ónerkásibi ministrliginde kórsetildi, endi atalǵan qyzmet memlekettik organdar men kvazimemlekettik sektor uiymdarynyń barlyǵyna engiziledi.
