Jıynnyń shymyldyǵyn túrgen saıasattanýshy Edýard Poletaev óz sózinde Eýrazıalyq odaqqa birikken elderdiń arasynda transporttyq-logıstıkalyq áleýet asa joǵary ekenin aıtty. «Eýrazıa keńistigin bolashaqta júzege asatyn Jańa Jibek joly basyp ótedi. Sonymen qatar Batys Qytaı – Batys Eýropa magıstralin de sanaqtan shyǵarýǵa bolmaıdy» dedi ol.
Al saıasattanýshy Andreı Chebotarevtiń pikirinshe aldymen shekaralyq aımaqtaǵy áriptestik máselesine kóńil aýdarý kerek. «Reseı men Qazaqstannyń arasyndaǵy shekaralyq áriptestikti damytý turaly qujatqa osydan bes jyl buryn, ıaǵnı, 2011 jyldyń 15 qyrkúıeginde qol qoıylǵan. Al 2012 jyly bul qujattardy naqty júzege asýdyń josparlary jasaldy. Biraq bul baǵdarlamanyń qalaı oryndalyp jatqanynan habarsyz qalyp otyrmyz» dedi ol.
Sarapshy Aıdarhan Qusaıynovtyń pikirinshe shekaralyq aımaqtaǵy áriptestikti damytýǵa aldymen Qazaqstan zańdarynyń tym qataldyǵy sebep bolyp otyr. «Bizdiń oblys ákimderi óz erkimen sheshim qabyldaı almaıdy. Biz tym ortalyqtanǵanbyz. Osynyń kesirinen ekonomıka da, áleýmettik sala da japa shegip otyr. Dál osy ortalyqtanýdyń kesirinen Údemeli ındýstrıaldyq-ınnovasıalyq damý baǵdarlamasy toqyraýda dedi óz sózinde sarapshy.
Otyrysty túıindegen saıasattanýshy Aıgúl Omarovanyń aıtýynsha shekaralyq jáne aımaqaralyq áriptestikti damytýǵa birinshi kezekti kedergi keltirip otyrǵan dúnıe adamı faktor.
